Merkezê Îrtîbatî û Çapemenîye yê HPGyî nasnameyê hîrê şehîdanê Botanî eşkera kerdî.

Eşkerayîye wina ya:

''Embazê ma û neferê fedayî yê têkoşînê azadîye Benda Amed, Destîna Botan û Baran Xemlîn 25ê temmuza 2024î de warê Kato Xelîla yê Botanî de hêrişê dişmenî de şehîd bîyî.

Embazê ma Benda, Destîna û Baran bi eşqêkê azadîye yê pîlî û cesaretê xurtî vera dişmenê harî vejîyayî. Ma sere de keyeyanê înan ê ercîyayeyan rê pêro şarê kurdî yê welatperwerî rê serweşîye wazenê.

Nasnameyê embazanê ma yê şehîdan wina yê:

Nameyê Qodî: Benda Amed Name û Peyname: Semra Ayverdî Cayê Bîyayîşî: Amed Maye-Pî: Faîke – Kasim Tarîx û Cayê Şehadetî: 25ê Temmuza 2024î /Botan

 

Nameyê Qodî: Destîna Botan Name û Peyname: Bişenge Durmuş Cayê Bîyayîşî: Şirnex Maye-Pî: Suzane – Nezîr Tarîx û Cayê Şehadetî: 25ê Temmuza 2024î /Botan

 

Nameyê Qodî: Baran Xemlîn Name û Peyname: Seyîtxan Sencer Cayê Bîyayîşî: Wan Maye-Pî: Cewhere – Mehmet Şerîf Tarîx û Cayê Şehadetî: 25ê Temmuza 2024î /Botan

Embaza ma Benda qezaya Pasûrî ya Amedî de dadîya xo ra bena. A wexto ke wendekara Zanîngehê Dîcle bîya tewra xebatanê ciwanan bena û 2013 de zî tewra gerîlayan bena. Embaze Benda waranê cîya-cîyayan ê Herêmanê Pawitişî yê Medya de erk kena û bena gerîlayêka YJA-Starî ya marîfetîne. A dima sey fermandarêka YJA-Starî verê xo dana Vakurê Kurdîstanî. Embaze Benda bi taybetî Botan de fedakarî û kedanê bêhempayan kena. A mojnena ke cinîyêka kurde mîyanê bêîmkanîyan de zî senî eşkena fermandarîye bikera. Ma soz danê ke mîrasê têkoşînî yê Embaze Benda bi serkewtişî tacîdar bikerê.

 

 

Embaze Destîna Cizîra Botan de dadîya xo ra bena. A domanîya xo ra nata gêrena rayîrê azadîye û xoverdayîşê xoîdarekerdişî ra dima zî 2015 de verê xo dana koyan. A Botan de perwerde bînena û bena gerîlayêka YJA-Starî. Embaze Destîna mîyanê refanê gerîlayan de tim nasnameyê cinîya azade bi layîqî temsîl kena û pêro embazanê xo rê bi têkoşînê xo bena mîsal. Ma zî soz danê ke bibê layîqê mîrasê ci yê têkoşînî.

 

 

Embaz Baran Wan de dadîya xo ra beno. O tim xeyal keno ke bibo gerîla û ciwanîya xo de zî nê xeyalê xo ano ca. O Botan de tewrê gerîlayan beno û tîya de perwerdeyê verênî gêno. Embaz Baran tim xo aver beno û keno ke bibo layîqê keda şehîdan. Embaz Baran bi kesayetê xo yê samîmî û milîtanîya xo beno mazharê heskerdişê pêro embazanê xo. O tim beno milîtanêko Apogîr o xurt û nê esasî ser o şehîd beno.''