Merkezê Îrtîbatî û Çapemenîye yê HPGyî nasnameyê 3 şehîdanê Xakurkê eşkera kerdî.

Eşkerayîye wina ya:

''Tarîxê nîsana 2024î de herêma Xakurkê de hêrişê dişmenî de embazê ma Sema, Bahoz û Firat şehîd bîyî.

Embazê ma Sema, Bahoz û Firat wayîrê têkoşînê layîqê ruhê nê dewrê fedayîtî bîyî. Ma zî sey embazanê nînan soz danê ke do bibê layîqê xeta nînan a têkoşînî. Ma sere de keyeyanê embazanê xo yê ercîyayeyan rê pêro şarê Kurdîstanî yê welatperwerî rê serweşîye wazenê.

Nasnameyê embazanê ma yê şehîdan wina yê:

Nameyê Qodî: Sema Cuya Çewlîk Name û Peyname: Zîlane Azak Cayê Bîyayîşî: Çewlîg Maye-Pî: Gultene – Yuksel Tarîx û Cayê Şehadetî: Nîsana 2024î / Xakurkê

 

Nameyê Qodî: Bahoz Hewlêr Name û Peyname: Fawaz Oso Cayê Bîyayîşî: Kobanê Maye-Pî: Edûle – Mahmud Tarîx û Cayê Şehadetî: Nîsana 2024î / Xakurkê

 

Nameyê Qodî: Firat Harun Name û Peyname: Halef Karacan Cayê Bîyayîşî: Riha Maye-Pî: Saliha – Mehmet Tarîx û Cayê Şehadetî: Nîsana 2024î / Xakurkê

 

Embaza ma Sema Çewlîg de mîyanê keyeyêkê welatperwerî de dadîya xo ra bena. Nameyê Zîlane nîyeno pa û a bi giranîya nê nameyî yena weyekerdene. Apê ci Nurettîn Azak 1993 de tewrê gerîlayan beno. Embaze Sema tim qalê apê xo eşnawena. A ciwanîya xo de dest pê wendişê kitabanê Rayberîye kena. Dima ke babîyê aye xebatanê rojnamegerîye ra tepişîyena hêrsê embaze Sema zî zêdîyeno. Embaze Sema Zanîngehê Bedlîsî de bi hawayêkê aktîfî mîyanê xebatanê şorişgêran de cagêna û dima 2015 de tîya ra verê xo dana koyan.A Garzan de perwerdeyê verênî gêna û dima derbazê Herêmanê Pawitişî yê Medya bena. A xeylêk branşan de xo aver bena û Herêmanê Pawitişî yê Medya de çalakîyanê serkewteyan de kedêka pîle dana. Dima a herêma Xakurkê de erk gêna û tîya de zî bi moral û coşî têkoşîn kena. A tim kena ke biba layîqa xeta embaze Bêrîtane coka zaf xîret kena. Ma soz danê ke vîrameyîşê embaze Sema Kurdîstanê Azadî de bidê pawitene.

Embaz Bahoz Kobanê de dadîya xo ra beno. O wextê Xoverdayîşê Kobanê de bi aktîfî têgêreno û şehadetanê embaz û merdimanê xo bi qerardarî û seba qesasî 2015 de tewrê gerîlayan beno. O Herêmanê Pawitişî yê Medya de perwerde gêno û tîya de erk keno. Embaz Bahoz rixmo ke çend reyî birîndar beno têkoşînî ra fek vera nêdano. O Xakurkê de tim gêreno firsendan ke bido dişmenî ro. Embaz Bahoz heta şehadetê xo zî xîret û xoverdayîşî ra fek vera nêdano. Ma soz danê ke heta ke têkoşînê ey ser bivisnê şer bikerê.

 

Embaz Firat qezaya Curnê Reşî ya Riha de dadîya xo ra beno. O wextê zanîngehî de tewrê xebatan beno. Dima o qerar dano ke têkoşîno tewr xurt koyan de yo coka 2014 de verê xo dano koyan. O Amed de perwerde vîneno, dima derbazê Herêmanê Pawitişî yê Medya beno. O her ke şino xo aver beno. Embaz Firat Xakurkê de hem viraştişê tunelanê şerî hem zî xeylêk xebatanê bînan de cagêno. O tim pêro erkanê xo bêkêmasî ano ca. O çalakîyan de zî cesaret dano embazanê xo. Ma soz danê ke xeyalanê ey bîyarê ca.''