Merkezê Îrtîbatî û Çapemenîye yê HPGyî bi eşkerayîyêke nasnameyê panc şehîdan eşkera kerdî. Eşkerayîye wina ya:

''15ê êlula 2020î de warê Qelanîsî ya Garzanî de pêkewtişan û hêrişanê artêşa tirke ya îşxalkere de fermandarê ma yo serkêş Demhat Cîlo û embazê ma yê ercîyayeyî Erdelan Şaho, Mordem Norşîn, Warşîne Sekvan û Tolhildan Tekman şehîd bîyî.

Embazê ma Demhatî bi coî 10 serran Vakur de têkoşîn kerd û derbê giranî dayî artêşa tirke ya îşxalkere ro. Ma soz danê ke do bibê layîqê têkoşînê ey. Ewladê Kirmanşan û Yarsanî yê ercîyayeyî embaz Erdelanî zî rayraşîyayîşê xo yê şorişî de milîtananê serkêşan mîyan de cayê xo girewt.

Ewladanê Vakurî yê serkêşan embazanê ma Mordem, Warşîne û Tolhildan pêro erk û mesuldarîyê xo bi hişmendî ardî ca û xeta PKKyî û PAJKî bi qehremanî temsîl kerde. 

Ma sere de keyeyanê embazanê ma Demhat, Erdelan, Mordem, Warşîn û Tolhildanî yê ercîyayeyan rê pêro şarê Kurdîstanî yê welatperwerî rê serweşîye wazenê.

Nasnameyê embazanê ma yê şehîdan wina yê:

Nameyê Qodî: Demhat Cîlo Name û Peyname: Eyup Çelîk Cayê Bîyayîşî: Amed Maye-Pî: Salîha – Mehmet Tarîx û Cayê Şehadetî: 15ê Êlula 2020î / Garzan

Nameyê Qodî: Erdelan Şaho Name û Peyname: Mensur Nasrî Cayê Bîyayîşî: Kirmanşan Maye-Pî: Ekreme – Ehmed Murad Tarîx û Cayê Şehadetî: 15ê Êlula 2020î / Garzan

Nameyê Qodî: Mordem Norşîn Name û Peyname: Zafer Koç Cayê Bîyayîşî: Mersîn Maye-Pî: Nurtene – Rahmetullah Tarîx û Cayê Şehadetî: 15ê Êlula 2020î / Garzan

Nameyê Qodî: Warşîne Sekvan Name û Peyname: Dilvîne Can Cayê Bîyayîşî: Êlih Maye-Pî: Kiymete – Bayram Tarîx û Cayê Şehadetî: 15ê Êlula 2020î / Garzan

Nameyê Qodî: Tolhildan Tekman Name û Peyname: Yilmaz Uzun Cayê Bîyayîşî: Erzirom Maye-Pî: Sona – Îbrahîm Tarîx û Cayê Şehadetî: 15ê Êlula 2020î / Garzan

 

Embazê ma Demhat Amed de dadîya xo ra beno la Îstanbul de beno pîl. O destpêk de tewrê xebatanê ciwanan beno û seba ke tewrê Hemleya 1ê Hezîrane bibo 2004 de verê xo dano koyan, beno gerîla. O Xakurkê de gerîlatîye keno, tîya ra tewrê Hêzanê Taybetan beno. 2006 de Rojhelatê Kurdîstanî de esîr keweno û serrêke û nêm zîndanê Îranî de maneno, dima şeş mengan zî zîndanê Tirkîya de maneno. Wexto ke zîndanî ra vejîya reyna verê xo dano koyan. O Dibistana Mazlûm Doganî de perwerde gêno. 2013 de embaz Demhat beno fermandarê Eyaletê Amedî. Heta 2020î Amed de derbanê giranan dano dişmenî ro. Embaz Demhat dima 2020 de Garzan de erk keno. O tîya de pa çar embazanê xo beno şehîd. Ma do xeyalanê xo qetî bîyarê ca.

Embaz Erdelan Kirmanşan de dadîya xo ra beno. O 2011 de tewrê gerîlayan beno. Embaz Erdelan 2012 de Qendîlî ra derbazê Zap û Zagrosî beno û pratîkêkê serkewteyî mojneno. 2014 de o derbazê Garzanî beno û vera dişmenî çalakîyanê serkewteyan keno. Embaz Erdelan heta 2020î şehadetê xo beno pawitoxê milîtanîya PKKyî.

Embaz Mordem Bedlîs de dadîya xo ra beno. Xebatanê ciwanan ra dima 2014 de o tewrê gerîlayan beno. Embaz Mordem pê perwerdeyan xo aver beno. 2015 de Xakurkê de bi aktîfî hemleya Şemzînanî de cagêno. Embaz Mordem 2018 de derbazê herêma Garzanî beno. Garzan de zî o tewirê xo yê fedayîy rê dewam keno û beno şehîd.

 

Embaza ma Warşîne Êlih de dadîya xo ra bena. Embaza ma Warşîne xoverdayîşê xoîdarekerdişî ra dima tewra gerîlayan bena. A mîyanê gerîlayan de tim bi hawayêkê aktîfî tewra xebatan bena û xo pê perwerdeyan aver bena. Embaza ma cade bena gerîlayêka YJA-Starî ya serkewte û rolê xo yê serkêşîye ana ca.

Embaz Tolhildan Tekmanê Erziromî de dadîya xo ra beno. Embazê ma Tolhildan wextê tedayanê dewlete yê giranan de bi qerardarî verê xo dano koyan. O cade adapteya gerîlatîye beno û beno mazharê heskerdiş û hûrmetê embazanê xo. Embaz Tolhildan bi perwerîya Rayberîye şer keno û beno wayîrê rayraşîyayîşêkê bêmabênî.''