HPGyî nasnameyê şehîdanê Avaşînî eşkera kerdî
HPGyî nasnameyê 5 gerîlayanê ke 10-12ê gulane de Avaşîn de şehîd bibî eşkera kerdî û vat: ''Ma sozê xo dibare kenê ke pê teqîbkerdoxîya xeta şehîdan armancê şehîdanê xo bîyarê ca.''
Merkezê Îrtîbatî û Çapemenîye yê HPGyî HPGyî nasnameyê 5 gerîlayanê ke 10-12ê gulane de Avaşîn de şehîd bibî eşkera kerdî. Eşkerayîye wina ya:
''Dewleta tirke ya îşxalkere pê armancê qirkerdişê kurdan operasyonê îşxalî da destpêkerdene. Herêma Avaşînî de hêzê ma pê xoverdayîşêkê destanwarî cewabê nê operasyonî danê. 10-12ê gulane de netîceya bombardummanêkî de herêma Avaşînî de rayberê çêrî yê Hemleya Şorişgêre ya Bazanê Zagrosî Agir, Canşêr, Sîpan, Agirîn û Vîyane şehîd bîyî. Nasnameyê embazanê ma yê şehîdan wina yê:
|
|
Nameyê Qodî: Agir Bizot Name û Peyname: Ramazan Demîr Cayê Bîyayîşî: Colemêrg Maye-Pî: Delîla – Şevket Tarîx û Cayê Şehadetî: 10ê Gulana 2021î / Avaşîn |
|
|
Nameyê Qodî: Agirîn Karer Name û Peyname: Amed Arslan Cayê Bîyayîşî: Mûş Maye-Pî: Harika – Cevdet Tarîx û Cayê Şehadetî: 12ê Gulana 2021î / Avaşîn |
|
|
Nameyê Qodî: Canşêr Avaşîn Name û Peyname: Firat Ozsucu Cayê Bîyayîşî: Amed Maye-Pî: Saadete – Mehmet Tahir Tarîx û Cayê Şehadetî: 11ê Gulana 2021î / Avaşîn |
|
|
Nameyê Qodî: Vîyane Botan Name û Peyname: Kubra Kılıç Cayê Bîyayîşî: Sêrt Maye-Pî: Gurbete – Hakîm Tarîx û Cayê Şehadetî: 12ê Gulana 2021î / Avaşîn |
|
|
Nameyê Qodî: Sîpan Xelat Name û Peyname: Nurullah Çakir Cayê Bîyayîşî: Wan Maye-Pî: Behîce – Ramazan Tarîx û Cayê Şehadetî: 11ê Gulana 2021î / Avaşîn |
Embaz Agir Çelê de dadîya xo ra bi û 2014 de tewrê gerîlayan bi. Embaz Agirî serra 2015î de vera cerganê DAÎŞî Şingal de şer kerd û uca de birîndar bi la dima rayraşîyayîşê xo yê azadîye rê dewam kerd. Embaz Agirî Zagrosan de tim vera artêşa îşxalkere fermandarîya çalakîyan kerde û nêverda dişmen nefes bigêro. Embaz Agir pê qerardarî, moraş û coşê xo bi çimeyê çêrî yê embazanê xo.
Embaz Canşêr Amed de dadîya xo ra bi û seba cuya azade tewrê gerîlayan bi. Embaz Canşêr tim gerîlatîya moderne de xo aver berd, tesîrê sîstemî kesayetê xo ra pakerdî û avaşîn de pêro çalakîyanê vera dişmenî de tewr vernî de ca girewt. Embaz Canşêr pê çêrî û keda xo bi mîsalê milîtanîya Apogîrîye.
Embaz Sîpan Wan de dadîya xo ra bi û wextê hêrişan ê giranan de tewrê gerîlayan bi. Embaz Sîpan 2018î ra nata herêma Avaşînî de şerwanîye ra heta fermandarîye xeylêk wezîfeyî kerdî û rayberîya çalakîyan ê bitesîran kerde. Embaz Sîpan tim mewzî bi mewzî vazda, tim xîret kerd ke derbe bido dişmenî ro. Embaz Sîpan pê kesayetê xo bi fermandarêko vîranêşîyaye.
Embaze Agirîne Mûş de dadîya xo ra bîye û vera asîmîlasyonî tewra gerîlayan bîye. Embaze Agirîne xeylêk cepheyanê Herêmanê Pawitişî yê Medya de wezîfe kerd, bîye wayîra tecrubeyî, vera DAÎŞî Êzidxan de şer kerd. Embaze Agirîne dima ke Şingalî ra agêraye 2019-2020î de çalakîyan de derbê pîlî dayî dişmenî ro û mîyanê nê têkoşînî de tewra karwanê şehîdan bîye.
Embaze Vîyane Sêrt de dadîya xo ra bîye û wextê xoverdayîşê xoîdarekerdişî de tewra gerîlayan bîye. Embaze Vîyane kewte peyê 'cinîya azade' û tim bi hawayêkê aktîfî tewra têkoşînî bîye. Embaze Vîyane herêma Avaşînî de seba ke qesasê embazanê xo bigêra xîretêko pîl mojna û tewra kerwanê bêmergan bîye.
Ma sere de keyeyanê ercîyayeyan ê şehîdanê ma rê pêro şarê welatperwerîyê Kurdîstanî rê serweşîye wazenê. Ma sozê xo dibare kenê ke pê teqîbkerdoxîya xeta şehîdan armancê şehîdanê xo bîyarê ca.''
