Merkezê Îrtîbatî û Çapemenîye yê HPGyî nasnameyê 8 gerîlayanê ke 5ê kanûne de Dêrsim de şehîd bîyî eşkera kerdî.

Eşkerayîya HPGyî wina ya:

''Artêşa tirke ya îşxalkere destpêkê kanûne de Dêrsim de operasyonê hîrayî dayî destpêkerdene. Warê Dêrsimî de mabênê hêzanê ma yê gerîlayan û îşxalkeran de temasî virazîyayî. Pulur de hîrêgoşeyê Gamir, Balîka û Nenkanî de netîceya pêkewtişanê giranan  de 8 embazê ma yê ke bi çêrî şer kerd şehîd bîyî. Her çiqas dewleta tirke ya îşxalkere îdîa kerdbi ke nê pêkewtişan de 1 îşxalker ameyo cezakerdene a raşte xeylêk îşxalkerî ameyî cezakerdene.

Nasnameyê embazanê ma yê şehîdan wina yê:

Nameyê Qodî: Munzur Dêrsim Name û Peyname: Cîhan Soylemez Cayê Bîyayîşî: Dêrsim Maye-Pî: Bezîye – Mustafa Tarîx û Cayê Şehadetî: 5ê Kanûna 2021î / Dêrsim

Nameyê Qodî: Veroze Munzur Name û Peyname: Çagla Yeleser Cayê Bîyayîşî: Dêrsim Maye-Pî: Gultaze – Celal Tarîx û Cayê Şehadetî: 5ê Kanûna 2021î / Dêrsim

Nameyê Qodî: Nûda Karker Name û Peyname: Gulere Karaer Cayê Bîyayîşî: Wan Maye-Pî: Hazale– Marûf Tarîx û Cayê Şehadetî: 5ê Kanûna 2021î / Dêrsim

Nameyê Qodî: Baz Colemêrg Name û Peyname: Nevzat Demir Cayê Bîyayîşî: Colemêrg Maye-Pî: Meryeme – Abdulvahît Tarîx û Cayê Şehadetî: 5ê Kanûna 2021î / Dêrsim

Nameyê Qodî: Jînda Gabar Name û Peyname: Mîhîbane Ata Cayê Bîyayîşî: Mêrdîn Maye-Pî: Binevşe – Ramazan Tarîx û Cayê Şehadetî: 5ê Kanûna 2021î / Dêrsim

Nameyê Qodî: Rojîne Xweza Name û Peyname: Hasrete Ulger Cayê Bîyayîşî: Semsûr Maye-Pî: Zeynepe – Kemal Tarîx û Cayê Şehadetî: 5ê Kanûna 2021î / Dêrsim

Nameyê Qodî: Şervane Partizan Name û Peyname: Nîmete Arşimet Cayê Bîyayîşî: Amed Maye-Pî: Besîya – Fevzî Tarîx û Cayê Şehadetî: 5ê Kanûna 2021î / Dêrsim

Nameyê Qodî: Azad Wan Name û Peyname: Akif Bedir Cayê Bîyayîşî: Wan Maye-Pî: Gultene – Bayram Tarîx û Cayê Şehadetî: 5ê Kanûna 2021î / Dêrsim

Embaz Munzur qezaya Pulurî ya Dêrsimî de dadîya xo ra bîyo. Embaz Munzur 2008 de wexto ke zanîngeh de wendêne tewrê gerîlayan bi. Ey xeylêk waranê Başûrî de têkoşîn kerd û 2011 de derbazê warê Dêrsimî bi. Embaz Munzur Dêrsim de resa asta fermandarîya herême zî û tim goreyê mesuldarîyanê xo têgêra. Ey Dêrsim de xeylêk çalakîyanê serkewteyan rê rayberîye kerde. O tim bi perwerê Seyîd Riza, Alîşer, Besê û Atakan Mahîran û seba ke layîqê înan bo têgêra.

Embaze Veroz qezaya Pulurî de dadîya xo ra bîya. A wexto ke zanîngehê Anqara de wendêne tepişîya. Dima ke zîndanî ra vejîyaye 2013 de tewrê gerîlayan bîye. Embaze Veroze îdeolojîya azadîya cinîyan a Rayberîye ser o xo aver berd. Aye xeylêk çalakîyan de ca girewt û bîye fermandara raybere ya YJA-Starî. Aye tewr peyêne wezîfeyê fermandarîya Pulurî ya YJA-Starî kerde. Sey cinîyan ê xoverdayoxan ê Dêrsimî embaze Veroze zî bîye milîtana serkewte ya nasnameyê cinîya azade yê Dêrsimî.

Embaze Jîndar metropolêkê Tirkîya Mugla de dadîya xo ra bîya la qetî kokê xo ra nêqerifîyaya. Embaze Jînda cigêrayîşan ra dima 2012 de tewra gerîlayan bîye. Embaze Jînda bi taybetî herêmanê Garê û Zagrosan de têkoşîn kerd. Perwerdeyê taktîkê suîkastî ra dima 2013 de a derbazê Dêrsimî bîye ke şerê şarî yê şorişgêrî de ca bigêra. Embaze Jînda pê perwerîya xo ya bi Rayber Apoyî û kedkarîya xo mîyanê embazanê xo de tim tewr vernî de ca girewt.

Embaz Baz Colemêrg de dadîya xo ra bîyo. Embaz Baz mîyanê Têgêrayîşê Ciwanan ê Apogîran de 6 serrî xebitîya û dima zî 2011 de tewrê gerîlayan bi. Ey dima ke Heftanîn, Qendîl û Zagrosan de gerîlatîye kerde 2014 de derbazê warê Dêrsimî bi ke xoverdayîşê Seyîd Rizayî rê dewam bikero. Ey 7 serrran Dêrsim de sey fermandarê rayberî bi aktîfî têkoşîn kerd, xeylêk wezîfeyî ardî ca. 5ê kanûne de embaz Bazî Dêrsim de pa 7 embazanê xo bi çêrî vera dewleta tirke şer kerd û şehîd bi.

Embaze Nûda Wan de dadîya xo ra bîya. Aye 2008 de seba azadîya cinîyan verê xo da koyanê Kurdîstanî. Aye gerîlatîya xo de zî kesayetê xo de îdeolojîya azadîya cinîyan aver berde. Embaze Nûda 2014 de vera DAÎŞî Kerkûk û Mexmûr de şer kerd. 2016 de a bi waştişê xo seba ke tewra şerê şorişgêrî yê şarî biba derbazê Dêrsimî bîye. Embaze Nûda teknîkê sabotajî de xo aver berd. A pê cu û duristîya xo embazanê xo rê bîye mîsal û bîye milîtanêka mîsale ya Apogîre.

Embaze Rojîne Semsûr de keyeyêkê elewî-kurdî de dadîya xo ra bîya. Aye wexto ke zanîngeh de wendêne 2014 de verê xo da koyanê azadan. A Dêrsim de tewra gerîlayan bîye. Embaze Rojîne tim xîret kerd ke xo aver bera. Her ke aye Rayberîye şinasnaye kesayetê xo de zî vurîyayîşê pîlî kerdî. Aye xeylêk çalakîyan de derbê giranî dayî dişmenî ro. Embaze Rojîne pê kesayetê xo bîye mazhara heskerdişê embazanê xo û tim embazanê xo rê bîye çimeyê moral û hêzî.

Embaze Şervane Amed-Farqîn de dadîya xo ra bîya. A şehadetê dezayê xo ra pey netîceya cigêrayîşanê xo de 2015 de tewra gerîlayan bîye. Embaze Şervane 2 mengan ra dima derbazê Dêrsimî bîye û pratîkê xo yo verên Dêrsim de ard ca. Aye tim xîret kerd ke dişmenî ra qesasê şarê xo bigêra û çarçewa Gerîlatîya Modernîteya Demokratîke de tim xo aver berd. Embaze Şervane tecrubeyê xo yê gerîlatîye vera dişmenî pratîze kerdî. Aye kerd ke biba embazêka duriste.

Embaz Azad Wan-Qelqelî de dadîya xo ra bîyo. Dima ke 2015 de dezayê ci şehîd bi ey bire daye ke tewrê gerîlayan bibo. Embaz Azadî Vakurê Kurdîstanî de tewrê gerîlayan bi û cade cuya gerîlatîye musa. Ey koyanê Dêrsimî de alaya dewaya azadîya Kurdîstanî û alaya dewaya estbîyayîşê kurdan bi hawayêkê rûmetînî berz kerde. Embaz Azadî 6 serrî vera dişmenî singe bi singe şer kerd û zana ke senî heqê pêro zehmetîyan ra bêro. embaz Azad 5ê kanûne de pa 7 embazanê xo Dêrsim de şehîd bi.

Ma sere de keyeyanê ercîyayeyan ê embazanê xo rê pêro şarê welatperwerî yê Kurdîstanî rê serweşîye wazenê. Ma reyna soz danê ke do qetî qesasê embazanê xo bigêrê.''