Merkezê Îrtîbatî û Çapemenîye yê HPGyî pê eşkerayîyêke nasnameyê şehîdanê Heftanînî eşkera kerdî.

Eşkerayîya HPGyî wina ya:

''Dewleta tirke ya kolonyalîste 16ê hezîrana 2020î de seba ke Kurdîstan îşxal bikera operasyonêko pîl da destpêkerdene. Dewleta tirke xîret kena de îradeyê azadî yê şarê kurdî, gerîlayanê azadîye û pêro temsîlîyetanê kurdan çin bikerê û coka Heftanîn kerd hedef. Xoverdayîşo bêhempa yê gerîlayanê azadîye yê vera îşxalî mojneno ke îradeyê merdiman eşkeno vera teknîkê tewr averî ser bikewo.

Tarîxê Kurdîstanî de îxanetê tarîxî û tewirê fedayîyî yê cuya rûmetêne estê. Kurdîstan heta ke PKK awan bîyo pabeyê qederê xo bi. Ciwananê kurdan rayberîya PKKyî de koyanê azadan de xoverdayîş de ca girewt. Gerîlayê azadîye sey vizêr ewro zî cewabê hêrişan danê faşîst û kolonyalîstan. 

Xoverdayîşê Heftanînî yê gerîlayanê azadîye heman wextî de asta tewr berze de yewîya neteweyî ya kurdan temsîl keno. Embazanê ma Egîd û Mazlûmê vakurijan, embazê ma Çiya yê başurijî û embazanê ma Şahîn û Tolhildanî yê rojhelatijan xeta fedayî ya Şehîde Zîlana ke 30ê hezîrana 1996î de darbêka pîle daye dişmenan ro, bi ruhêkê fedayîyî û kesayetêkê milîtanî 24 serran ra dima reyna mojnaye. 

Embazanê ma Egîd û Mazlûm xoverdayîşê Girê Dûpişkî de heta fîşekê xo yê peyênî şer kerd û şehîd bîyî. Embazê ma Çiya, Şahîn û Tolhildan zî  operasyonê îşxalkeran ra verî hêrişê hewayî de şehîd bîyî. Zanayîşê derheqê nasnameyê embazanê ma de wina yê:

Nameyê Qodî:Egîd Çiya Name û Peyname: Rifat Aksoy Cayê Bîyayîşî: Êlih Maye-PîFener - Kûtbettîn Tarîx û Cayê Şehadetî: 16’ê Hezîrana 2020 / Heftanîn

Nameyê Qodî:Mazlûm Pîro Name û Peyname: Mûrat Aktaş Cayê Bîyayîşî: Qers Maye-Pî: Ayfere - Osman Tarîx û Cayê Şehadetî: 16ê Hezîrana 2020î / Heftanîn

Nameyê Qodî:Çiya Bakur Name û Peyname: Şerîf Alî Ebûbekir Cayê Bîyayîşî: Ranya Maye-Pî: Fatima - Alî Tarîx û Cayê Şehadetî: 16ê Hezîrana 2020î / Heftanîn

Nameyê Qodî:Şahîn Tolhildan Name û Peyname: Nadir Kerîmî Cayê Bîyayîşî: Sine Maye-Pî: Şerafete - Gûrban Tarîx û Cayê Şehadetî: 16ê Hezîranê 2020î / Heftanîn

Nameyê Qodî:Tolhildan Ararat Name û Peyname: Mehdî Ahmedî Cayê Bîyayîşî: Kotol Maye-Pî: Sidika - Yûsûf Tarîx û Cayê Şehadetî: 16ê Hezîrana 2020î / Heftanîn

Embazanê ma Egîd, Çiya, Mazlûm, Şahîn û Tolhildan hamleya Cengê Heftanînî derbê giranî dayî dişmenan ro, cayê dişmenî dişmenî rê kerdî cehenem. Embazê ma bîyî mîsalê fedakarî, xoverdayîş û ruhê neteweyî yê. Înan nameyê xo pê herfanê zerdan tarîxê xoverdayîşê Kurdîstanî de nuştî.

Ma sere de keyeyanê înan ê erjîyayeyan rê pêro şarê Kurdîstanî yê welatperwerî rê serweşîye wazenê. Ma soz danê ke ma do vîrameyîşê înan têkoşînê xo de bidê ciwîyayene.''