Merkezê Îrtîbatî û Çapemenîye yê HPGyî nasnameyê 5 şehîdanê ke par Metîna de şehîd bîyî eşkera kerdî. Eşkerayîye wina ya:

''13ê adara 2020î de herêma Metîna de embazê ma Avînare, Bahoz, Baran, Dilsoz û Firat bombardumanê îşxalkeran de şehîd bîyî.

2020 de vera kolonyalîzmê tirkan sere de Vakurê Kurdîstan û Herêmanê Pawitişî yê Medya de hêzanê ma pê çalakîyan derbê giranî dayî dişmenî ro. Dewleta tirke ya îşxalkere pê nê darbeyan nêeşkaye biresa hedefanê xo. Dewleta tirka ke Heftanînî ra dima vera Herêmanê Pawitişî yê Medya zî xeylêk planê ci yê îşxalî estê çalakîyanê gerîlayan ra dima nêeftara plananê xo bîyara ca.

Embazanê ma Avînare, Bahoz, Dilsoz, Baran û Firatî herêma Metîna de xeylêk çalakîyan de rayberîye kerde û vera îşxalî bêterdut xo ver da û şehîd bîyî. Şehadetê nê embazanê ma gerîlayan rê bi sozê qesasî û mesajê rayîrnêdayîşê kolonyalîzmî. Nasnameyê embazanê ma yê şehîdan wina yê:

Nameyê Qodî: Dilsoz Cesur Name û Peyname: Şîyar Aladdin Îsmail Cayê Bîyayîşî: Kobanê Maye-Pî: Mahbuba – Aladdin Tarîx û Cayê Şehadetî: 13ê Adara 2020î /Metîna

Nameyê Qodî: Firat Xerzan Name û Peyname: Feryat Okay Cayê Bîyayîşî: Êlih Maye-Pî: Gulistane– Resul Tarîx û Cayê Şehadetî: 13ê Adara 2020î /Metîna

Nameyê Qodî: Baran Kobanê Name û Peyname: Mahmut Cuma Cayê Bîyayîşî: Halep Maye-Pî: Necehe – Muhammed Tarîx û Cayê Şehadetî: 13ê Adara 2020î /Metîna

Nameyê Qodî: Bahoz Erdal Kobanê Name û Peyname: Îbrahim Bekir Cayê Bîyayîşî: Kobanê Maye-Pî: Rihane – Suphî Tarîx û Cayê Şehadetî: 13ê Adara 2020î /Metîna

Nameyê Qodî: Avinar Dılgeş Name û Peyname: Cemşîd Ziba Cayê Bîyayîşî: Salmas Maye-Pî: Mesime – Sapor Tarîx û Cayê Şehadetî: 13ê Adara 2020î /Metîna

Embaza ma Avînare şaristanê Salmasî yê Rojhelatê Kurdîstanî de dadîya xo ra bîya û seba ke biba parçeyêkê têkoşînî tewra gerîlayan bîye. Embaze Avînare xeta îdeolojîya cinîyan a Rayber Apoyî de têkoşîn kerd û dima ke xo aver berd derbazê herêma Metîna bîye. Embaze Avînare tewra xeylêk çalakîyan bîye û pê tewirê xo embazanê xo rê bîye mîsal.

Embazê ma Bahoz Kobanê de dadîya xo ra bi. Embaz Bahozî wextê hêrişanê DAÎŞî de Kobanê de têkoşîn kerd û dima zî tewrê gerîlayan bi. Embaz Bahoz pê tecrubeyê têkoşînê Şorişê Rojawanî cade cuya koyan rê adapte bi û wextêkê kilmî de bi fermandarêko serkewte yê gerîlayan.

Embaz Baranî Halep de dadîya xo ra bi û pê tesîrê îdeolojîya Rayber Apoyî tewrê Şorişê Rojawanî bi. Embaz Baran seba ke na îdeolojî nêzdî ra bişinasa tewrê gerîlayan bi. Embaz Baranî roja destpêke ra nata xebatan de pê coş û moralî ca girewt û pê tewirê xo yê etîkî bi milîtanê mîsalî yê Apogirîye.

Embaz Dilsoz Kobanê de dadîya xo ra bi û bi şahîdê têkoşînê vera DAÎŞî. Embaz Dilsoz pê tesîrê nê têkoşînî verê xo da koyanê Kurdîstanî. Embaz Dilsozî pê hêrsê vera dişmenî û îdeolojîya Rayber Apoyî xo aver berd. Ey heta şehadetê xo tim rayraşîyayîşê xo rê pê gamanê emînan dewam kerd.

Embaz Firat Êlih de dadîya xo ra bi û vera polîtîkayanê qirkerdişî yê dewleta tirke tewrê gerîlayan bi. Embaz Firatî pê fedakarî û kedkarîya xo bi milîtanêko serkewte yê Rayber Apoyî û ey seba azadîya şarê xo pêro wezîfeyê xo bêkêmî ardî ca. Embaz Firat tim pê mesuldarî û hîşmendîye têgêra.

Ma sere de keyeyanê ercîyeyan ê embazanê xo yê şehîdan rê pêro şarê welatperwerî yê Kurdîstanî rê serweşîye wazenê. Ma soz danê ke alaya azadîye ya emanetê şehîdan pê mesuldarî û hîşmendîya layîqbîyayîşê înan berz bikerê.''