Merkezê Îrtîbatî û Çapemenîye yê HPGyî bi eşkerayîyêke nasnameyê şehîdêke eşkera kerd. Eşkerayîye wina ya:

''Dewleta tirke ya kolonyalîste destpêkê temmuze de vera Garzanî operasyonê îşxalî yê bêmabên û hîrayî dayî destpêkerdene. Embazanê ma nê hêrişan de xoverdayîşêko fedayî mojna û cewabê tarîxîyî dayî îşxalkeran. Nê hêrişanê dişmenî û pêkewtişanê giranan de 11ê tebaxe de embaza ma ya fedayîye Bêrîtane Sîser heta nefesê xo yê peyênî şer kerd û şehîd bîye.

Embaza ma Bêrîtane tewrbîyayîşê xo ra dima tim xo aver berd. Aye xo hetê îdeolojîk û leşkerî ra weye kerd û bîye fermandarêka YJA-Starî ya serkêşe. Ma sere de keyeyê ci yê ercîyayeyî rê pêro şarê Kurdîstanî yê welatperwerî rê serweşîye wazenê. Ma şexsê embaze Bêrîtane de soz danê pêro şehîdanê ma ke têkoşînê înan ê azadîye do ser bivisnê.

Nasnameyê embaza ma Bêrîtane wina yo:

Embaza ma Bêrîtane Sêrt de mîyanê eşîra welatperwere Didêrî de dadîya xo ra bena. Embaze Bêrîtane ciwanîya xo de gerîlayan şinasnena û bire dana ke rojêke tewra înan biba. A şewêke hewnê xo de Rayber Apoyî vînena û naye ser o 2013 de bêteredut verê xo dana koyan.

Embaze Bêrîtane koyan de nuştiş û wendişî musena û bi lezî aver şina. A Garzan de gerîlatîye pratîze kena û bena gerîlayêka serkêşe. Embaze Bêrîtane 2015 de Zap de erk kena û têkoşînêkê fedayî kena. A nîsana 2018î de tewra Hêzanê Taybetan bena. Embaze Bêrîtane bena fermandarêka serkêşe û 2021 de waştişê xo ser o derbazê Garzanî bena. Garzan de embaze Bêrîtane sey fermandarêka serkêşe têgêrena û derbanê giranan dana dişmenî ro.

Embaze Bêrîtane şexsê xo de xeta cinîya azade mojnena ra û xeta Zîlane û Bêrîtane de şer kena. Têkoşînê aye do tim verê ma roşnî bikero.''