Merkezê Îrtîbatî û Çapemenîye yê HPGyî nasnameyê şehîdêke eşkera kerd. Eşkerayîye wina ya:
''11ê teşrîna verêne ya 2023yî de herêma Zapî de hêrişanê dişmenî de cinîya Cizîra Botanî ya qehremane û çêre, şerwana YJA-Starî Cûdîye Çekdar şehîd bîye.

Milîtananê serkêşan ê Hemleya Şorişgêre ya Bazanê Zagrosî ra embaza ma Cûdîye rengê xo da xoverdayîşê Zapî. Aye kede daye ke Zap bibo kelaya xoverdayîşî û sey gerîlayêka YJAA-Starî xîret kerd ke pêro erk û mesuldarîyanê xo bîyara ca. Sey embazanê ci ma çend pê embaze Cûdîye sereberz bibê zî bes nîyo. Ma sere de keyeyê aye yê ercîyayeyî rê pêro şarê Cizîra Botanî û Kurdîstanî yê welatperwerî rê serweşîye wazenê.

Nasnameyê embaza ma Cûdîye wina ya:

Embaza ma Cûdîye mîyanê keyeyêkê welatperwerî de Cizîra Botanî de dadîya xo ra bena. A pê hîkayeyanê apê xo yê şehîdî Şêrî (Huseyîn Ozmen) bena pîl û domanîya xo ra bena heyrana gerîlayan. Dima ke dewlete 2014 de Cûdî de domanêk qetil kena embaza ma Cûdîye bi qerardarî verê xo dana koyan û bena gerîla.

A Metîna de perwerde vînena û tîya de têkoşîn kena. Dima wextê hêrişanê DAÎŞî de a verê xo dana Şingalî û seba xelisnayîşê cinîyan ê êzidîyan têkoşîn kena. Di serran ra dima a Şingalî ra agêrena koyan û narey Hemleya Şorişgêre ya Cengê Heftanînî de cagêna. Embaze Cûdîye sey milîtanêka marîfetîne vera dişmenî çalakîyanê serkewteyan rê serkêşîye kena. Dima a Xoverdayîşê Zendûra de cagêna. Embaza ma Cûdî tewr peyên Zap de erk gêna û Hemleya Bazanê Zagrosî de cayê xo gêba. Embaza ma Cûdîye her ca de embazanê xo rê bena çimeyê hêz û moralî û 11ê teşrîna peyêne de Zap de şehîd bena.''