HPGyî nasnameyê şehîdê Geverî eşkera kerd
HPGyî nasnameyê gerîlayêko ke Gever de tewrê kerwanê şehîdan bîyo eşkera kerd û merdimanê ci û şarê Kurdîstanî yê welatperwerî rê serweşîye waşte.
HPGyî nasnameyê gerîlayêko ke Gever de tewrê kerwanê şehîdan bîyo eşkera kerd û merdimanê ci û şarê Kurdîstanî yê welatperwerî rê serweşîye waşte.
Merkezê Îrtîbatî û Çapemenîye yê HPGyî derheqê şehîdêk de zanayîş da. Eşkerayîye de nê ameyî parekerdene:
''Ma eşkerayîya xo ya 29ê hezîrane de dabi eşnawitene ke 25ê hezîrane de Geverê Colemêrgî de badê çalakîya gerîlayan a Dola Heydaran ya ke 4 leşkerî ameyî kiştene operasyonêk ame destpêkerdene û embazê ma Brusk Botan tewrê kerwanê şehîdan bi.
Zanayîşê derheqê nasnameyê embazê ma Bruskî wina yê:
Nameyê Qodî: Brûsk Botan Name û Peyname: Hasan Kanat Cayê Bîyayîşî: Şirnex Maye-Pî: Asya - Sabrî Tarîx û Cayê Şehadetî: 25ê Hezîrana 2020 / Gever |
Embazê ma Brusk Botano ke keyeyêko welatperwer ê Cizîre de ameyo dinya hema qicîtîya xo ra têgêrayîşê azadîye nas keno û dima ra vera polîtîkaya herişkare ya dewleta tirke verê xo dano koyanê azadan ê Kurdîstanî. Rixmê ciwanîya xo embazêko aktîf bi û xo her hetî ra aver berdêne. Demo kilm de bi gerîlayê modernetîyê demokratîkî û vernîya sefan de cayê xo girewt. Emazê ma Brusko ke her hela xo derkerde ravêrna keda bîle daye û heme wezîfeyê xo bi serkwtişî ardî ca.
Sere de keyeyê ercaye yê embazê ma Bruskî rê ma pêro şarê Kurdîstanî rê serweşîye wazenê û ma soz danê ke ma do alaya azadîye ya şehîdan bi serkewtişî tacîdar bikerê.''