Merkezê Îrtîbatî û Çapemenîye yê HPGyî bi eşkerayîyêke nasnameyê şehîdêkî eşkera kerd.

Eşkerayîye wina ya:

''Zimistanê 2010î de embazê ma Ulaş Pîr wexto ke koma xo reyde binê varayîşê vewre yê zêdeyî û dûyî de şîyêne koma xo ra abirîya. Ame qetîkerdene ke embaz Ulaş şehîd bîyo. Embaz Ulaşo ke felsefeya Rayber Apoyî şinasnabî û bi tewrbîyayîşê PKKyî azadîye tercîh kerdbî, têkoşînê xo tim kerd pîlêr, bi perwerê Rayber Apoyî û şehîdan. Embaz Ulaş pê cuya xo ya derwîşane û embazîya xo ya samîmîye do tim bibo mîsalê milîtanîye.

Ma sere de keyeyê ey ê ercîyayeyî rê pêro şarê Koçgirîyî yê welatperwerî rê serweşîye wazenê. Ma do hesret û xeyalanê şehîdanê xo qetî bîyarê ca.

Nasnameyê embaz Ulaşî wina yo:

Embaz Ulaş mîyanê keyeyêkê sêwasijî de dadîya xo ra beno. Dadîya ey kurd, babîyê ci zî tirkmen bîyî. Embaz Ulaş rixmo ke Koçgirî ra dûrî de beno pîl, tim erjanê kurdan-elewîyan xo rê keno rayber. O wextê lîseyî de tewrê xebatanê şorişgêran beno. Wextê xebatanê ciwanan de o 5 reyî ameyo destbendkerdene û 4 mengan zîndan de maneno. Embaz Ulaş 2007 de zîndanî ra vejîyeno û beno gerîla.

Embaz Ulaş cade cuya koyan museno. O koyan de tim pê perwerdeyan xo aver beno. Embaz Ulaş pêro erkan û mesuldarîyanê xo tim bêkêmasî ano ca û cephe de tewr vernî de cagêno. Dima o tewrê Hêzanê Taybetan beno. Garê û Heftanînî ra dima embazê ma Ulaş derbazê Zapî beno. Warê Cîloyî yê Zapî de embaz Ulaş çalakîyanê serkewteyan de derbanê giranan dano dişmenî ro û serkêşîya embazanê xo keno.

Embaz Ulaşo ke bîyo milîtanêkê Rayber Apoyî yo perwer, peyê xo de mîrasêkê têkoşînî yo pîl verda û şehîd bi.''