Merkezê Îrtîbatî û Çapemenîye yê HPGyî bi eşkerayîyêke nasnameyê şehîdêkî eşkera kerd.

Eşkerayîye wina ya:

''Embazê ma Kawa Çekdarî Ewropa ra bi hawayêkê rûmetênî verê xo da Kurdîstanî û tewrê gerîlayan bi. O tebaxe de Herêma Şehîd Delîlî ya Rojawanê Zapî de hêrişê dişmenî de şehîd bi. Embazê ma Kawayî dî ke azadîya şarê ma ancax bi tewrbîyayîşê gerîlayan û bi şerê fedayîtî mumkîn a û cuyêka biîmkane peyê xo de verdaye, tewrê gerîlayan bi. Nê prosesê hêrişan de embaz Kawa bê teredut û bi cesaretêkê pîlî tewrê têkoşînî bi. O destpêkî ra heta şehadetê xo bi wayîrê rayraşîyayîşê fedayîyî, bi tewirê xo yê cuwîyayîşî û bi cesaretê xo yê şerî zî bi milîtanêko sembol.

Ma sere de keyeyê ey ê ercîyayeyî rê pêro şarê Kurdîstanî yê welatperwerî rê serweşîye wazenê.

Nasnameyê embaz Kawa Çekdarî wina yo:

Embazê ma Kawa keyeyêkê kurdîstanijî de Îstanbul de dadîya xo ra beno. Embazê ma sebebanê madîyan ra 2004 de koçê Almanya keno la uca de zî têkoşînê welatperwerîye ra fek vera nêdano. Embazê ma Kawa Ewropa de tewrê xebatanê ciwanan beno, xeylêk reyî yeno destbendkerdene la tim xeta têkoşînî ser de şino. 

Hêrişanê DAÎŞî û xoverdayîşê xoîdarekerdişî ra dima embaz Kawa 2018 de agêreno Kurdîstanî û verê xo dano refanê gerîlayan. Embaz Kawa koyan de ziwanê xo yê dayîke kurdkî museno û o bi lezî xo aver beno. Embazê ma Kawa Garê de pratîkêkê serkewteyî ano ca û dima derbazê Herêma Şehîd Delîlî ya Rojawanê Zapî beno. Embaz Kawa tîya de tewr vernî de şer keno, derbanê giranan dano dişmenî ro û beno gerîlayêko fedayî. Embazê ma Kawa pê şehadetê xo beno layîqê xeta têkoşînê fedayîyan. Ma do vîrameyîşê ey tim bipawê û mîrasê ci yê têkoşînî bi serkewtişî tacîdar bikerê.''