Merkezê Îrtîbatî û Çapemenîye yê HPGyî nasnameyê şehîdêkê Kato Marînosî eşkera kerd. Eşkerayîye wina ya:

''26ê êlula 2020î de embazê ma Erdal Tolhildan hêrişanê dişmenî yê vera Kato Marînosî de şehîd bi. Embazê ma Erdalî bi çêrî, fedakarî û kedkarîya xo zerrîya pêro embazanê xo de cayê xo girewt. Ma sere de keyeyê ci yê ercîyayeyî rê pêro şarê Kurdîstanî û Elbakî yê welatperwerî rê serweşîye wazenê.

Nasnameyê embazê ma Erdalî wina yo:

Nameyê Qodî: Erdal Tolhildan

Name û Peyname: Murat Şakrak

Cayê Bîyayîşî: Wan

Maye-Pî: Bedriye – Yakup

Tarîx û Cayê Şehadetî: 26ê Êlula 2020î / Kato Marînos

Embazê ma Erdal qezaya Elbakî ya Wanî de dadîya xo ra beno. Embazê ma Erdal seba xebitîyayîşî ciwanîya xo de şino metropolanê Tirkîya la tîya de rîyê dişmenî yê raştikênî vîneno. Embaz Erdal cigêrayîşanê xo ra pey 2011 de bi qerardarî verê xo dano koyan û beno gerîla.

O hêverî Xakurkê de perwerde vîneno. Embazê ma Erdal xîret keno ke felsefeya Rayberîye bi temamî bimuso û xo aver bero. Embaz Erdal 2014 de Xakurkê de têkoşîn keno. Wextê hêrişanê vera Kobanê de o derbazê herême beno û vera DAÎŞî bi qehremanî şer keno. Embaz Erdal dima agêreno koyan û Akademîya Hakî Karerî de perwerde vîneno. Embaz Erdal avaşîn de erk gêno û uca ra zî derbazê Vakurê Kurdîstanî beno.

Embaz Erdal tim keno ke  pêro erk û mesuldarîyanê xo bêkêmasî bîyaro ca. O heta şehadetê xo cuya Apogîre paweno.''