HPGyî gerîla Azad Çekdar Mahîro ke 2yê hezîrana 2017î de şehîd bîyo yad kerd û vat: ''Embazê ma Azad bi cuya xo ya fedayî, fedakar, sade û embazîya xo ya samîmîye tim hetê embazanê xo ra sey nimûne bêro qebulkerdene.''
Merkezê Îrtîbatî û Çapemenîye yê HPGyî nasnameyê şehîdêkî eşkera kerd.
Eşkerayîye wina ya:
''Ameyo qetîkerdene ke ewladê şarê Kurdîstanî yo çêr û şerwano qehreman embazê ma Azad Çekdar Mahîr 2yê hezîrana 2017î de Meletî de pêkewtişê vera dişmenî de şehîd bîyo. Ma serrgêra şehadetê ci de embazê xo û milîtanê şarê ma yo fedayî Azad Çekdar Mahîr bi minet û rêzî yad kenê.
Embazê ma Azad bi cuya xo ya fedayî, fedakar, sade û embazîya xo ya samîmîye tim hetê embazanê xo ra sey nimûne bêro qebulkerdene. Ma soz danê ke têkoşînê şehîdê xo bi serkewtişî tacîdar bikerê. Ma sere de keyeyê embaz Azadî yê ercîyayeyî rê pêro şarê Kurdîstanî yê welatperwerî rê serweşîye wazenê.
Nasnameyê embaz Azad Çekdar Mahîrî wina yo:
|
|
Nameyê Qodî: Azad Çekdar Mahîr Name û Peyname: Huseyîn Gumuş Cayê Bîyayîşî: Amed Maye-Pî: Makbule-Îzzet Tarîx û Cayê Şehadetî: 2yê Hezîrana 2017î / Meletî |
Embaz Azad mîyanê keyeyêkê nisêbînijî de qezaya Bismilî ya Amedî de dadîya xo ra beno. O bi erjanê welatperwerîye beno pîl. Embaz Azad beno şahîdê qirkerdişanê dewlete û bi hêrsê qesasî zerrîya ci benade. Naye ser o 2016 de o Amedî ra tewrê gerîlayan beno.
Embaz Azad şehadetê gerîlayê fedayîyî embaz Çekdar Mahîrî ra bitesîr beno û nameyê ey gêno. Embaz Azad bi çalakîya fedayî ya embaz Çekdar Mahîrî xeta xo ya têkoşînî zî fedayîtîye ser o dîyar keno. Embaz Çekdar tim xîret keno ke bibo layîqê têkoşînê lehîdan.
Embazê ma Azad 2yê hezîrane de wareyê gerîlaya fedayî embaza ma Zîlane-Zeynepe Kinaci de vera dişmenî heta nefesê xo yê peyênî şer keno û beno şehîd. Tewirê ey ê serkewtişî yo isrardar do tim rayîrê ma yê têkoşînî roşnî bikero.''
