Merkezê Îrtîbatî û Çapemenîye yê HPGyî nasnameyê şehîdêkî eşkera kerd. 

Eşkerayîye wina ya:

''Ma eşkerayîya xo ya 6ê çeleyê 2024î de dabi eşnawitene ke 27ê kanûna 2023yî de herêma Bagokî ya Mêrdînî de mabênê embazanê ma û artêşa tirke ya îşxalkere de pêkewtişî qewimîyayê û hîrê embazê ma şehîd bîye. Ma heman eşkerayîye de nasnameyê embazanê xo yê şehîdan Argeş-Ozgur Ay û Demhat-Îslam Olcay eşkera kerdbî û pare kerdbi ke nasnameyê embazê xo yê bînî zî dima do eşkera bikerê. Ame qetîkerdene ke nê pêkewtişan de embazê ma Welat-Raman Celal şehîd bîyo.

Embazê ma Welatî Rojawan de dest pê têkoşînî kerd û koyan de nefesê xo yo peyên da. Embazê ma Welat bi temsîlkarê girîngîya yewîya neteweyî ya şarê ma. Ma sere de keyeyê ci yê ercîyayeyî rê, pêro şarê Kurdîstanî yê welatperwerî rê serweşîye wazenê. Ma soz danê ke do tim bibê perwerê vîrameyîşê şehîdê xo.

Nasnameyê embaz Welat Alikîyî wina yo:

Embazê ma Welat Qamişlo de keyeyêkê welatperwerî yê sêrtîjî de dadîya xo ra beno. Embaz Welat hema domanîya xo de têgêrayîşê ma şinasneno. O 2013  de refanê Şorişê Rojawanî de cagêno û destkewteyanê şarê ma yê Rojawanî paweno. Wextê hêrişanê DAÎŞî yê vera Şingalî de embazê ma Welat bi qerardarî seba pîlêrkerdişê têkoşînî verê xo dano koyan û beno gerîla. 

O hêverî reseno hewarê êzidîyanê Şingalî û vera DAÎŞî tewrê hemleya azadkerdişî beno. Dima agêreno koyan. Embaz Welat tewrê perwerdeyan beno û xo hîna aver beno. Embaz Welat waştişê xo ser o derbazê Bagokî beno.

Embaz Welat Mêrdîn de seba ke Şerê Şarî yo Şorişgêr ser bikewo şarê ma rêxistin keno û beno mazharê heskerdişê şarê ma. Embaz Welat 27ê kanûna 2023yî de Bagok de embazanê ma Argeş û Demhatî reyde xoverdayîşêkê destanwarîyî keno û tewrê karwanê şehîdan beno. O heta peynî perwerê krîteranê Apogîran beno. Ma soz danê ke vîrameyîşê ey Kurdîstanê Azadî de gandar bikerê.''