Merkezê Îrtîbatî û Çapemenîye yê HPGyî bi eşkerayîyêke bîlançoya şerî ya 3 mengan eşkera kerde. Eşkerayîye wina ya:

''Operasyonê îşxalî yê dewleta tirke ya faşîste-kolonyalîste yê vera Başûrê Kurdîstanî 3 mengî xo pey de verda. Nê hêrişê îşxalî yê ke tede bi hezaran îşxalkerî, teknîkê NATOyî est ê armanc kenê ke mefkumê kurdan û Kurdîstanî bêrê çinkerdene. Hêzanê îşxalkeranê ke şaro ke Rayber Apoyî newe ra gandar û xoverdayox kerdo, û Kurdîstanî ra tersenê, pêro îmkanê xo vistî dewre û kerd ke hêvîyanê azadîye çin bikerê.

Vera nê hêrişanê namerdan, bêmerdimîye û îlegalan gerîlayê azadîye bi fedayîtî xo ver danê û pê pratîkê xo cepheyanê şerî de cewabê qîmî danê îşxalkeran. Hêzanê ma yê gerîlayan destpêkê hêrişan de xoverdayîşêko bêhempa mojna û hêvîya serfîrazîye afernaye. Embazê ma mîyanê şertanê tewr zehmetan de mewzî bi mewzî vazdayî, wayîrê rûmetê şarê ma vejîyayî û reyna îsbat kerd ke raştîya kurd û Kurdîstanî ya Rayberîye, ruhê Xoverdayîşê 14ê Temmuze do bêrê binvistene.

Artêşa tirke ya îşxalkere pê destekê NATOyî Warê Xoverdayîşî bi desan reyî pê obus, hawan, teyara û helîkopteran dayî bombayan ver la pê xoverdayîşê embazanê ma nêeşkaye û teng bîye. Artêşa îşxalkere seba ke na tengîye ra bixelisa îşxalê xo kerd hîra û tewr peyên 4ê temmuze de dima ke 17 reyî Warê Xoverdayîşî yê Girê Amedîyê da bombayan ver ancax eşkaye leşkeranê xo bîyara war. Netîceya mudaxeleyê lezî yê hêzanê ma de îşxalkeran reyna derbê giranî werdî. Hêzê ma şîyî serê ceenazayanê dişmenî ser, dest na malzemeyanê leşkerîyan ser û dest na 2 cenazayanê dişmenî ser. Artêşa îşxalkera ke cenazayanê gerîlayan rê îşkence kena, cenazayê leşkeranê xo zî dayî bombayan ver û kerd ke delîlan çin bikera. Rixmê pêro xîretanê artêşa îşxalkere zî xeylêk cenazayê dişmenî bi rojan binê kontrolê hêzanê ma de mendî.

Îşxalkerî bombaya fosforî, termobarîk û çeka kîmyewîye şuxilnenê

Îşxalkerê ke nêeşkayê aver şorê, hînî ginenê war. Artêşa îşxalkere naye ser o huqûqê şerî binpay kena, Warê Xoverdayîşî bi hezaran reyî pê çekanê kîmyewîyan û teqaberan dayî bombayan ver. Rixmê nê hêrişan zî hêzanê ma xo ver da, naye ser o îşxalkeran vera mewzîyanê şerî bombayê fosfor û termobarîkî yê qedexekerdeyî şuxilnayî.

Hêzanê ma çarçewa Hemleyanê Şorişgêran ê Bazanê Zagrosî û Şehîd Savaş Maraşî ya Cengê Xabûrî de çalakîyê bitesîrî kerdî. Tîmanê ma yê hereketînan taktîkê sereştiş, mîyandekewtiş, sabotaj, suîkast û dafike têzere kerdî û xeylêk çalakîyê bikoordîneyî kerdî, pê Operasyonanê Qesasî nêverda dişmen nefesî bigêro. Nê prosesê şerê giranî yê 3 mengan de gerîlayanê modernîteya demokratîke Şerê Şarî yo Şorişgêr pratîze kerd, pê şerê mewzî û tunelan îsbat kerd ke ê hê xeta serfîrazîye de şinê.

Gerîlayanê azadîye ruhê hêrişî yo fedayî yê embaze Zîlane û Ruhê Xoverdayîşê 14ê Temmuze kerdî yew, her hetê erdê fîrazî yê Kurdîstanî de bêteredut şer kerd û pêro îmkanê teknîkî yê dişmenî pûç kerdî. Çalakîyanê gerîlayan de payeberzî zî tede bi seyan îşxalkerî ameyî cezakerdene, embazê ma şîyî cenazayan ser û dest na malzemeyanê leşkerîyan ê dişmenî ser. Rixmo ke artêşa îşxalkere verê gerîlayan de ser bikewa tîmê xo yê tewr taybetî wezîfe kerdî, vînîbîyayîşê pîlî dayî.

Îşxalkerê ke pê xoverdayîşê destanwarî û terzê şerî yê fedayîtî yê embazanê ma nêeşkayî, înan 1198 reyî çeka kîmyewîye reyde sey teqaberan çeşîdê bombayanê ser termobarîk û nuklerî şuxilnayî, bi nê hawayî qanûnê şerî yê mîyanneteweyî binpay kerdî û sûcê tewr giranî kerdî.

Gerîlayê azadîye garantîyê rayraşîyayîşê serfîrazîye yê

Artêşa îşxalkere rixmo ke vera Vakurê Kurdîstanî bi beşdarîya kontra û îşxalkeran operasyonî kerdî zî nêeşkaye netîce bigêra. Gerîlayanê azadîye yê Kurdîstanî pê çalakîyanê xo Vakur de hesabê gemarinî yê îşxalkeran reyna pûç kerdî.

Çêranê ma yê bêmergan pê ruhê fedayîtî heta guleyê xo yê peyênî şer kerd, verê îşxalkeran de bendêko zixm awan kerd. Nê prosesê tarîxîyî de 72 embazê ma şehîd bîyî. Mîras û îradeyê şehîdanê ma yê ezîzan do bibê garantîyê rayraşîyayîşê serfîrazîye û dewaya azadîye ya fîraze ya gerîlayanê azadîye.

Bîlançoya şerî ya 3 mengan

Bîlançoya şerê mabênê 4ê nîsane-14ê temmuze wina ya:

Çalakîyê ke hêzanê ma kerdê;

Sey Hêzanê Pawitişê Hewayî, dafike, mîyandekewtiş, sereştiş, suîkast, sabotaj, çekanê giranan, derbkerdiş-pêkewtiş, bikoordîne û operasyonanê şorişgêran 1129 çalakîyê gerîlayan ameyî kerdene.

Netîceya çalakîyanê hêzanê ma de;

-3ê ci kontra, 6ê ci payeberzî bi temamî 1528 îşxalkerî ameyî cezakerdene.

-217 îşxalkerî birîndar bîyî.

Hêrişê ke artêşa tirke ya îşxalkere kerdê;

Sere de Warê Xoverdayîşî Herêmê Pawitişî yê Medya

-2643 reyî pê teyarayanê şerî dîyayî bombaya ver

-1978 kez pê helîkopteranê hêrişî dîyayî bombaya ver

-Mewzî û tunelî 1198 reyî pê teqaber û çekanê kîmyewîyan dîyayî bombaya ver.

Malzemeyê leşkerî û çekê ke embazanê ma dest nayo ser;

- 7 MPT-55 Tifingê Pîyade

- 1 MPT-66 Tifingê Pîyade

- 2 M-16 Tifingê Pîyade

- 1 AK-47 Tifingê Pîyade

- 2 HK-416 pi Tifingê Pîyade

- 3 Tebance

- 1 çeka BKC

- 1 çeka B-7yî

- 2 çekê bombaeştoxî

- 4 guleyê bombaeştoxî

- 3 êlegê hêrişî

- 1 tirs

- 2 Rextî

- 5 Jarjorî

- 1 Kameraya termale

- 1 Dûrbûno termal

- 1 Dûrbûno lazerîn

- 2 Lazerê noqtakerdişî

- 2 aparatê çeka bluetoothî

- 6 dûrbûnê şew û roje

- 4 mayînî

-1 hacetê teqnayîşê mayînan

- 848 guleyê M-16 û BKC

- Cîhazêkê aselsan

- 5 telefonê destan

- 3 kamerayê sereyan

- Nîşangehêk

- Panelêke tîje

- Pûsûlayêk

- 3 kardî (Kasatura)

- Çimeyêkê enerjî

- 4 çenteyê leşkerî

- 8 fenerê destan

- 2 sîstemê kameraya mobese

- 2 hacetê vurnayîşê enerjî yê UPSyî

Mazleme û wesayîtê ke hêzanê ma îmha kerdê;

- Helîkopterêkê hêrişî

-2 helîkopterê Skorskyî

- Tankêk

- 6 wesayîtê zirxînî

- Kamyona kepçeyî

- 2 çekê BKCyî

- 4 çekê A4î

- 2 hacetê jammerî

- 3 Radarî

- 19 droneyî

- 3 kamerayê termalî

- Teleskopêk

- 32 sîstemê kameraya mobese

- 2 hacetê vengî

- 2 hacetê vengî

- 1 Kameraya nimite

- Konteynirêk

- 2 sensorê têgêrayîşî

- Kamelyayêke

- 16 xeymê leşkerî

- 41 çeperê şerî

Malzemeyê leşkerî yê ke hêzanê ma derb kerdê;

- 25 helîkopterê hêrişî

- 31 helîkopterê Skorskyî

- 9 droneyî

- Wesayîtêko zirxîn

- 12 çeperê şerî

- 2 kepçeyî''