Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

''Gerîlayê Azadîye yê Kurdîstanî ruhê Xoverdayîşê 14ê Temmuze koyanê Kurdîstanî de danê ciwîyayene.Têkoşîno tarîxî yê gerîlayan vera îşxalkeren dewam keno. Çalakîyanê selamkerdişê 14ê Temmuze  Roja Rûmetî ya Neteweyîye  de 11 îşxalkerî ameyî kiştene, 2 îşxalkerî birîndar bîyî yew kepçe ame derbkerdene. Artêşa tirke bi desan rey warê xoverdayîşî pê çekanê kîmyewîyan, teqaber, helîkopter, teyara û obusan dayî bombayan ver. Detayê çalakîyan û hêrişan wina yê;

Zap

13ê temmuze de Warê Xoverdayîşî yê Şikefta Birîndara de hêzanê ma yê YJA Starî da îşxlakeran ro, îşxalkerêk ame cezakerdene. Eynî roje  eynî warî de kepçeyê ke xebata mewzîyan kerdêne hetê hêzanê ma ra pê çekanê giranan ame pirodayene. Kepçe ame derbkerdene û viraştişê mewzî ame vindarnayene.

Metîna

9ê temmuze de Warê Xoverdayîşî yê Girê Cûdîyî de çalakîya sûîkastî de îşxlakerêk ame cezakerdene. Eynî roje Warê Xoverdayîşî yê Girê FMyî de hêzanê ma da îşxalkeran ro, 2 îşxlakerî ameyî cezakerdene. 13ê temmuze de Warê Xoverdayîşî Girê Amedîyê de îşxalkerî bi taktîkê sabotaj û sûîkastî ameyî pirodayene. Çalakîyanê cîya cîyayan de 3 îşxalkerî  ameyî  cezakerdene û îşxalkerêk birîndar bi. Reyna Girê FMyî de  çalakîyanê cîya cîyayan 2 îşxlakerî ameyî  cezakerdene û îşxlakerêk birîndar bi. Eynî roje Girê Cûdîyî de zî 2 îşxalkerî ameyî cezakerdene.  24ê temmuze de Girê FMyî de îşxalkerî reyna ameyî pirodayene.

Bombarduman

Artêşa tirke 10, 11, 12 û 13ê temmuze Warê Xoverdayîşî yê Kokerê, Şikefta Birîndara,Girê Amediyê, Girê FM, Girê Cûdî, Werxelê Direniş, Girê Şehîd Heqî, Saca, Sîda, Kela Çemço Girê Hakarî, Werxelê, Kurojahroyî pê çekanê kîmyewîyan, teqaber, helîkopter, teyara û obusan dayî bombayan ver.''