Merkezê Îrtîbatî û Çapemenîye yê HPGyî bi eşkerayîyêke doneyê bîlançoya şerî ya menga gulane pare kerdî. Eşkerayîye wina ya:

''Dewleta tirke ya kolonyalîste armanc kena ke gerîlayanê azadîye yê Kurdîstanî tasfîye bikera û hêrişanê xo yê qirkerdişî de biresa armancê xo. Gerîlayî vera nê hêrişan bi ruhê Apogîrî xo ver danê, estbîyayîşê şarê ma pawenê û hêvîya ameyoxê azadî gandar verdenê. Gulane de zî gerîlayan nê xoverdayîşî rê dewam kerd û cewabê hewceyî dayî xayîn û hemkaran. Embaz'ê ma her parçeyê Kurdîstanî bi îradeyêkê pîlî pawenê.

Artêşa tirke ya îşxalkere bi xoverdayîşê tarîxî yê hêzanê ma nêeşkena coka ancî kayîdeyanê şerî binpay kena. Gulane de artêşa îşxalkere vera tunelanê ma yê şerî 286 reyî 286 reyî bi çekanê kîmyewîyan, 37 reyî bi teqaberanê qedexeyan hêriş kerd. Ancî îşxalkeran 245 reyî bi teyarayanê şerî û 43 reyî bi helîkopteranê hêrişî û bi hezaran reyan bi hewan, obus, tank û çekanê giranan dayî bombayan ver.

82 çalakîyî ameyî kerdene, 43 îşxalkerî ameyî cezakerdene

Gerîlayanê Azadîye yê Kurdîstanî xeta xoverdayîşî ya şehîdanê Menga Gulane de bi xurtî derbazê pratîkî kerd û Herêmanê Pawitişî yê Medya ra heta Vakurê Kurdîstanî seba xelisnayîşê erdê Kurdîstanî îradeyêko bêhempa mojna. Gerîlayî rixmê şertanê zehmetan zî bêteredutî şîyî dişmenî ser û înan çalakîyê bitesîrî kerdî. Gerîlayan bi ruhê xoverdayîşî yê şehîdanê Menga Gulane têkoşînêko bitesîr kerd. Gerîlayan gulane de bi temamî 82 çalakîyî kerdî, derbê giranî dayî dişmenî ro, 43 îşxalkerî ceza kerdî û 4 îşxalkerî zî birîndar kerdî.

Gerîlayanê Azadîye 27ê gulane de asmênê Qendîlî de droneyo çekdar (SÎHA) yê artêşa tirke ya îşxalkere vist warî. Nê SÎHAyê ke dewleta tirke û medyaya şerê taybetî de propagandaya ci kenê asmênê Kurdîstanî de yewver yenê warvistene. Gerîlayê Azadîye yê Kurdîstanî sey hêzanê serkêşan ê Şerê Şarî yê Şorişgêrî seba ke mesuldarîyanê xo bîyarê ca bedelanê giranan ra tawîz nêdanê. Gerîlayê ke mîrasê têkoşînî yê şehîdan pîlêr kenê do qetî biresê armancê xo yê Rayberîya Azade û Kurdîstanê Azadî.

Bîlançoya şerî

Bîlançoya şerî ya menga gulane wina ya:

Hêrişê artêşa tirke ya îşxalkere;

Hêrişê bi teyarayanê şerî: 245

Hêrişê bi helîkopteranê hêrişî: 43

Hêrişê bi teqaberanê qedexekerdeyan: 37

Hêrişê bi droneyanê bombabarkerdeyan: 61

Hêrişê bi çekanê kîmyewîyan: 286

 

Çalakîyê gerîlayan;

Bi temamî 82 çalakîyî ameyî kerdene

43 leşkerê îşxalkerî ameyî cezakerdene

4 leşkerê îşxalkerî birîndar bîyî

 

Malzemeyê ke ameyê îmhakerdene;

Aksûngûr SÎHA: 1

Sîstemê Radarî: 1

Kameraya Mobesse: 10

Kepçe: 3

Dron: 1

Konteynir: 1

Xeymî: 6

Fotokapan: 7

Çeper: 2

 

Êyê ke ameyê derbkerdene;

Helîkopter: 1

Kepçe: 2

Çeper: 5

Kameraya Mobesse: 1