Merkezê Îrtîbatî û Çapemenîye yê HPGyî bi eşkerayîyêke bîlançoya şerî ya teşrîna verêne eşkera kerde. Eşkerayîye wina ya:

''Eşkera yo ke dewleta tirke seserra verêne de sere de kurdî şarê bînî tasfîye kerdê û nê mîrasê gonînî ser de komara Tirkîya ya netewe-dewlete ronaya zî nêeşkaye netîce bigêra. Êyê ke têkoşînê şarê kurdî û gerîlayan qij vînenê, na seserre de zî têkoşînê şarê ma û gerîlayan de têrî yenê. Dewleta tirke heta ke înkarê kurdan û qirkerdiş de israr bikera no têkoşîn do bêmabên dewam bikero û qetî netîce bêra girewtene. Xoverdayîşê emserî û teşrîna verêne îsbatê ney o.

Teşrîna verêne sey menga têkoşînê vera Komployê Mîyanneteweyî û sîstemê kolonyalîstî tarîx de cayê xo girewt. Hetêkî ra şarê ma vera polîtîkaya tecrîdî, seba azadîya Rayber Apoyî, vera tedayanê dişmenî, seba binvistişê plananê îşxalî Şerê Şarî yê Şorişgêrî her roje pîl keno. Hetê bînî ra zî gerîlayê azadîye yê Kurdîstanî bi ruhê fedayîtî yê Apogîrî xoveerdayîşê xo yê destanwarîyî de mesuldarîya xo ya têkoşînî anê ca.

Têkoşînê teşrîna verêne pê çalakîya fedayî ya endamanê Taburê Bêmergan embazanê ma Rojhat Zîlanî û Erdal Şahînî 1ê teşrîna verêne de dest pêkerd. Na çalakîye dersêka manadare daye sîstemê dewleta tirke ya faşîste. Embazanê ma Rojhat û Zîlanî pê çalakîya xo ruho fedayî yo Apogîr kirişte lewe û no rıh vilayê pêro Kurdîstanî kerd. Gerîlayan bi nê ruhî Serhedî ra heta Amedî û Mêrdînî, Metîna ra heta Zap, Avaşîn û Xakurkê her roje bi desan çalakîyî kerdî. Vakur de û Herêmanê Pawitişî yê Medya de sere de çalakîyê koordîneyî bi taktîkan gerîlayan xoverdayîşêko pîl vet werte. Nê çalakîyanê embazanê ma planê îşxalî yê dişmenî pûç kerdî. Dewleta tirke û medyaya şerê taybetî raştîyê şerî şarî ra û pêro rayaumûmîye ra nimitî. La raştîya şerî bi çalakîya embaz Rojhat û Zîlanî bîye rojdem û pêro teşrîna verêne de şer dewam kerd.

12 gerîlayî şehîd bîyî

Teşrîna verêne de embazê ma Rojhat Zîlan (Okan Şahin), Erdal Şahîn (Hasan Ogz), Îbrahîm Tolhildan (Bilal Şahîn), Nûrhak Dêrik (Ramazan Temel), JîndareRûmet Meyaser (Berjîne rşimet), Zagros Besta (Ahmed Çorto), Huseyîn Pîran (Cahit Aktay), Rûken Zîlan (Zeynep Sevim), Cudî Çekdar (Kıymet Özmen), Bedran Merdan (Nazım Hikmet Ülgen), Ciwan Amed (Onur Kamiloğlu), Seyit Brûsk (Muhammed Gönyeli) bi qehremanî şer de şehîd bîyî.

Dewleta tirke ya îşxalkere tim xîret kena ke plananê xo yê serê îşxalê Başûrî binimna. La hêrişo ke 7ê teşrîna verêne de herêma Barzanî de dest pêkerd, planê raştikênî yê gêmarinî eşkera kerdî. Artêşa tirke herêma Barzanî û herêmanê berzan de cabîye û bi nê hawayî armancê xo yê îşxalê Başûrî eşkera kerd. Rixmo ke Barzan de estbîyayîşê gerîlayan o mende çin o zî PDK nê îşxalî qetî nêgêno rojdemê xo û teslîmîyetê xo bi nê hawayî eşkera keno. Seke zanîyeno hêzê PDKyî Girê Amedîyê û Metîna de leşkerê tirkî cakerdî, destekê lojîstîkî dayî leşkeran, rayîrî viraştî û bi nê hawayî xizmetê dewleta tirke kerd. Serebûtê teşrîna verêne îsbat kenê ke dewleta tirke PDK kerdo qoricî û planê xo yê îşxalê Başûrî de sey leşkerêkê xo PDKyî şuxilnena.

Bîlançoya teşrîna verêne wina ya:

Hêrişê artêşa tirke ya îşxalkere

Hêrişê bi teyarayanê şerî: 201

Hêrişê bi çekanê kîmyewîyan: 39

Hêrişê bi teqaberanê qedexekerdeyan: 137

Herişê bi droneyanê bombabarkerdeyan: 197

Şehîdî

12 embazê ma şehîd bîyî

Çalakîyê gerîlayan

Hûmara pêro çalakîyan: 278

Dafike: 1

Sereştiş: 1

Hêriş: 1

Sabotaj: 6

Çalakîyê bi koordîneyî: 18

Sekbanî: 56

Şer, derbkerdiş: 83

Çekê giranî: 112

Kişteyê dişmenî

205 îşxalkerî ameyî cezakerdene

3 leşkerê payeberzî ameyî cezakerdene

38 leşkerê îşxalkerî birîndar bîyî

Hacetê ke ameyê îmhakerdene

Trafo: 1

Radar: 2

Drone: 6

Çeper: 10

Sîstemê Kameraya Mobese: 13

Xeyme: 17

Êyê ke derbe dîyaya înan:

Helîkopterê Skorskyî: 2

Wesayîto zirxîn: 1

Kepçe: 3

Bombaeştox: 1

Çeper: 55"