Merkezê Îrtîbatî û Çapemenîye yê HPGyî derheqê 5 gerîlanê ke 2016 de Kato Jirka de şehîd bîyî eşkerayîye daye.

Eşkerayîya HPGyî de bale ameye antenê nê xususan ser:

''4ê teşrîna verêne ya 2016î de warê Kato Jirka ya Botanî de netîceya bombardumanî de yew grûba embazanê ma şehîd bibî. Rîyê şertanê şerî ra ma newe sîcîlê embazanê xo safî kerdî. Hemrayê ma Bahoz, Berfîne, Jîyane, Rêber û Vîyane 4ê teşrîna verêne de tewrê kerwanê şehîdan bîyî.

Fermandarîya hemrayanê ma Bahoz û Berfîne de warê Kato Jirka de xoverdayîşo ke aver şi nimûneyo tewr pîl yê vînînêkerdişê kesayetê Apoyî yo. Nê embazanê  ma ke verê xo da Botanî ke cayê tewr bimbarekî yê gerîlayan o, tîya vera îşxalkeran xoverdayîşo pîl da. Hemrayanê ma Bahoz û Berfîne ke zanayenê ke serkewtişê Botanî yê vera dişmenî xeylêk averşîyayîşan pîya bi xo ano tewirê fedayîyî ramojna. Nê hemrayê ma yê delalî ke têna xeyalê înan azadîya Rayber Apoyî û azadîya şarê ci bî tewrbîyayîşê xo yê fedayî bîyî layîkê mîrasê Egîd, Nuda, Adil, Gelhat û Gulbaharan ke fermandarê efnasayî yê Botanî yê.

Embazê ma Jîyan, Rêber û Vîyane zî sey ewladanê tewr sînayeyan ê şarê ma yê welatperwerî yê Botanî mîyanê mucadeleyê azadîye de cayê xo girewt. Her hîrê embazê ma zî wextê Xoverdayîşê Xoîdarekerdişî de raştîya dişmenî nêzdî ra dîye û seba ke hesabê polîtîkayanê ci yê qirkerdişan bipersê tewrê sefanê gerîlayan bîyî. Nê embazê ma ke demo kilm de xo resna şerê gerîlayan ê warê Botanî de rolê muhîmî girewtî xo ser û biserkewtişî ardî ca.

Ma sere de keyeyanê erjîyayeyan ê şehîdanê ma yê ke pê xoverdayîşê xo qehremankî rojê ma roşnî kerdî heme şarê welatperwerî yê Botan û Kurdîstanî rê serweşîye wazenê û sozê caardişê xeyalanê hemrayanê xo newe kenê.

Nasnameyê gerîlayanê ke şehîd bîyî wina yê:

Nameyê Qodî: Bahoz Gever Name û Peyname: Fatih Çelik Cayê Bîyayîşî: Colemêrg Maye-Pî: Nazime - Mehmet Tarîx û Cayê Şehadetî: 4ê Teşrîna Verêne 2016 / Kato Jirka

 

Nameyê Qodî: Berfîne Baran Name û Peyname: Şakire Aslan Cayê Bîyayîşî: Sêrt Maye-Pî: Hanime-Îsa Tarîx û Cayê Şehadetî: 4ê Teşrîna Verêne 2016 / Kato Jirka

 

Nameyê Qodî: Jîyane Cûdî Name û Peyname: Sarya Demir Cayê Bîyayîşî: Şirnex Maye-Pî: Halime - Omer Tarîx û Cayê Şehadetî: 4ê Teşrîna Verêne 2016 / Kato Jirka

 

Nameyê Qodî: Rêber Kato Name û Peyname: Mehmet Cin Cayê Bîyayîşî: Şirnex Maye-Pî: Gullu - Ekrem Tarîx û Cayê Şehadetî: 4ê Teşrîna Verêne 2016 / Kato Jirka

 

Nameyê Qodî: Vîyane Koçer Name û Peyname: Leyla Kaymaz Cayê Bîyayîşî: Sêrt Maye-Pî: Xemê - Abdullah Tarîx û Cayê Şehadetî: 4ê Teşrîna Verêne 2016 / Kato Jirka