Merkezê Îrtîbatî û Çapemenîye yê HPGyî bi eşkerayîyêke 5 gerîlayê cinîyê ke Kato de şehîd bîyî yad kerdî. Eşkerayîye wina ya:

''19ê nîsana 2017î de artêşa tirke ya îşxalkere herêma Belkê ya Koyê Katoyî de dest pê operasyonêkê hîrayî kerd. Nê operasyonî de şer qewimîya û embazê ma Roza, Xwînda, Stêrke, Zîlane û Arîne bi çêrî şer kerd û şehîd bîyî. Ma embazanê xo serrgêra şehadetê înan de yad kenê.

Nasnameyê embazanê ma wina yê:

Nameyê Qodî: Roza Hêlîn Name û Peyname: Merdiye Adibellî Cayê Bîyayîşî: Mêrdîn Maye-Pî: Gulşe-Mînur Tarîx û Cayê Şehadetî: Nîsana 2017î / Kato Jîrka

Nameyê Qodî: Xwînda Kato Name û Peyname: Hatîce Aykût Cayê Bîyayîşî: Şirnex Maye-Pî: Cemîle-Ramazan Tarîx û Cayê Şehadetî: Nîsana 2017î / Kato Jîrka

Nameyê Qodî: Stêrk Efrîn Name û Peyname: Hamîde Mûhammed Cayê Bîyayîşî: Efrîn Maye-Pî: Azîme-Cemal Tarîx û Cayê Şehadetî: Nîsana 2017î / Kato Jîrka

Nameyê Qodî: Zîlane erejdax Name û Peyname: Zînet Ceylan Cayê Bîyayîşî: Amed Maye-Pî: Bozê-Fetîh Tarîx û Cayê Şehadetî: Nîsana 2017î / Kato Jîrka

Nameyê Qodî: Arîn Qerejdax Name û Peyname: Medîne Tîlkî Cayê Bîyayîşî: Amed Maye-Pî: Koçer-Hasan Tarîx û Cayê Şehadetî: Nîsana 2017î / Kato Jîrka

Embaza ma Roza Mêrdîn de dadîya xo ra bîya. Embaze Roza dima metropolan de bîye pîl û 2006 de Xakûrkê de tewra gerîlayan bîye. 3 serran ra dima embaze Roza derbazê Metîna bîye, Xinêre û Garê de karê şorişgêrî kerdî. 2011 de Akademîya Zeynepe Kinaci de perwerde dî, krîterê PAJKî xo de xorin kerdî û sey fermandarêke deerbazê Heftanînî bîye. Embaze Roza 2012-2016 de zî Wan de fermandarîye kerde, tecrubeyê pîlî vistî destî. A wisara 2017î de operasyonê îşxalî yê dişmenî de şehîd bîye.

Embaze Xwînda Kato Elkê de dadîya zo ra bîya. Embaze Xwînda 2011 de Kato de tewra gerîlayan bîye û dima zî Garê û Metîna de gerîlatîye kerde. Aye wextê hêrişanê DAÎŞî de Kerkûk û Mexmûr de şer kerd. 2016 de zî embaze Xwînda sey fermandarêka YJA-Starî derbazê Botanî bîye. Embaze Xwînda bi serran bîye tersê dişmenî, kedêka pîle daye têkoşînî û têkoşîn aver berd.

Embaze Stêrke Efrîn de dadîya xo ra bîya. Embaze Stêrke 2012 de verê xo da koyanê Kurdîstanî û bîye gerîla. Aye Metîna de dest pê gerîlatîye kerde. Embaze Stêrke 2015 de Akademîya Şehîde Bêrîtane de tewrê perwerdeyî bîye û xo aver berd. Embaze Stêrke wextê xoverdayîşê xoîdarekerdişî de tewrê xoverdayîşî bîye. A sey milîtana YJA-Starî 2017 de derbazê Koyê KAtoyî bîye û şehîd bîye.

Embaze Zîlane Amed de dadîya xo ra bîya. Embaze Zîlane û embaza aye Arîna ke kênaya xala ci bîya, Mêrdînî ra tewrê gerîlayan bîyî. Embaze Zîlane û Arîne Besta ra dima derbazê herêma Botanî bîyî. Rixmo ke nuştiş û wendişê înan çin bi, înan xo zaf aver berd. Embaze Zîlane dima Kato de bîye gerîlayêka marîfetîne û 2017 de şehîd bîye.

Embaze Arîne kênaya xala xo Zîlane reyde bîya pîl û ê pîya tewrê gerîlayan bîyî. Arîne û Zîlane seba şarê xo bîyî mîsal, pê marîfetê xo bîyî mazharê hurmetî. Înan vera sîstemê serdestîya camêrdan sere wedarit û têkoşîn kerd. Embaze Arîne zî Kato de şehîd bîye.

Ma sere de keyeyanê ercîyayeyan ê embazanê xo rê, pêro şarê welatperwerî yê Kurdîstanî rê serweşîye wazenê. Ma do têkoşînê embazanê xo Roza, Xwînda, Stêrke, Zîlane û Arîne qetî do bîyarê ca û sozê bicaardişê hewn û xeyalê înan danê.''