Komelê Îslamîya Kurdîstanî (CÎK) ra Mela Dawid Saffanîyî derheqê armancanê ronîyayîşê Huda Parî de ANFyî rê qisey kerd.

Mela Dawid Saffanîyî pare kerd ke yew eleqeyê Huda Parî bi Îslamî çin o û vat: ''1990an de hêverî Hîzbullah ronîya. Hîzbullahî sey DAÎŞî wehşet kerdêne û merdimî qetilkerdene ke nê merdimî kurdê dîndar û welatperwerî bîyê. 90an de Hîzbullahî melayî serê nimajî de, camîyan de qetil kerdî. Ganî ma no çi hol analîz bikerê. Nê kerdişê înan dûştê Îslamîyetî bîyî. Homa wina emr dano ke wa çew pê dînî çewî maxapîno. La Hîzbullahî dîn şuxilna. Ewro zî Huda Paro ke Hîzbullahî ra yeno bi nameyê dînî kurdan xapîneno. Pêxemberê ma hadîsêk de vano ke 'êyê ke ma xapînenê, ma ra nîyê.' Huda Par sîyasetê xo xapînayîşî ser o awan kerdo.''

Mela Dawid Saffanîyî da zanayene ke Huda Par seba ke têgêrayîşê azadîye yê Kurdîstanî bêro astengkerdene bi destê dewlete kewto dewre û vat: ''Huda-Par Kurdîstan de sey parçeyêkê şerê gemarinî sîyasetî keno. Huda Par dînî sey maskeyêke şuxilneno. Ganî merdimê dîndarî nê çîyî bivînê û teşhîr bikerê. Çew nêeşkeno nameyê Homayî ser o sîyaset bikero. Quran de erkê her kesî eşkera yo. Şarê kurdî ganî bi nê sîyasetî nêxapîyo. Armancê Huda Parî dîn ney cîyakerdişê kurdan o. Ganî çew Huda Parî nêgêro zereyê keyeyê xo zî.''