Platformê Hunermendan ê Kurdîstanijan ê Seba Vengdayîşê Yewîya Neteweyîye eşkerayîyêke daye û venga kurdan da ke vera hêrişanê dewleta tirke bibê yew.

Eşkerayîya platformî wina ya:

''Dewleta tirke ya  faşîst û îşxalkere hêrişanê vera kurdan de isrardar û qerardar a. Bingeyê estbîyayîşê dewlete çinkerdişê kurdan û Kurdîstanî yo. Dewlete wextêkî ra nata seba ke yewîya kurdan nêna caardene û mabênê kurdan de şer vejîyo hêrişê Başûrê Kurdîstanî kena. Her roje hêrişê îşxalkere zêdîyenê. Başûr de xeylêk erd ame îşxalkerdene, sivîlî ameyî qetilkerdene û birîndar bîyî. Bi seyan dew û warê cuye ameyî vengkerdene, bax û baxçeyî ameyî wêrankerdene.

Dewleta tirke ya barbare wazena Başûrê Kurdîstanî îşxal bikera, kurdan bîyara têvera. Parçebîyayîş û cîyabîyayîşê sîyasetê kurdan şermo tewr pîl o. Hînî şarê ma sîyasetê winasênî nêwazeno. Şarê kurdî seserra 21. de firsendêkê tarîxîyî reyde têrî yo. Ganî ma nê firsendî destê xo ra nêdê û îrade û qederê xo seba menfaatanê şexsîyan quban nêkerê.

Ma sey hunermendanê çar parçeyanê Kurdîstanî venga pêro kurdan, têgêrayîşanê sîyasîyan, partîyan û dezgehan danê ke dişmenê ma bîyê yew, bêrê ma zî bibê yew!

Ma venga şarê xo danê ke kam beno wa bibo êyê ke xeta yewîya neteweyîye ser o nîyê, hemkarê îşxalkeran ê mesuldarê qirkerdişê kurdan ê! Şarê ma ganî vera naye bigêrê.

Roşnvîr, hunermend, partî, têgêrayîş û sîyasetmedarê kurdî ganî bi hawayêkê mesuldarî nêzdîyê na mesele bibê. Sîyasetê kurdan bi na rewşa xo ya xerabe nêeşkeno erjan û destkewteyanê şarê ma bipawo!

Ganî pêro komel hîşyar bibo ke kam yewîya neteweyîye wazeno kam nêwazeno! Kam netewe paweno kam xeripneno!

Şarê ma, komelê kurdan ganî heta ke nê partîyê sîyasîyî û rêxistinî abigêrê kokanê xo ser na rewşe ra destê xo bigêro.

Ma venga pêro partî û hêzanê kurdan danê. Yewîya neteweyîye û sîyasetê dîyalogê neteweyîyî ra ber rayîr û metodêk nêmend! Waştiş û hêvîya dişmenî ya ke ma na babete pey goş bikerê, bêveng bimanê.

Ma sey hunermandanê kurdan venga ciwananê kurdan danê ke şima ameyoxê şarê ma yê. Her ca de, her war de sere wedarê û meverdê ke ameyoxê şarê ma çin bibo.''