Hunermendanê kurdan Aysele Borak û Atîlla Cûdî ANFyî rê qisey kerd û vera hêrişanê serê govende û muzîkê kurdkî nêrazîbîyayîşê xo mojna.

Hunermende Aysele Borak pare kerd ke hêrişê vera kurdkî newe nîyê û vat: ''Deyîrê kurdkî serranê 90an ra nata raştê hêrişan yenê. Ewro zî nê hêrişî dewam kenê. Çîyo ke Kayserî de vera multecîyan ameyo kerdene, nika vera kurdan yeno ceribnayene. Kurdî vera zulmî sereyê xo nêanê war. Goreyê mi amadekarîye yena kerdene ke qeyûmî ancî tayîn bibê. Şarê ma do bi îradeyanê xo verê nê polîtîkayan bigêro.''

Hunermend Atîlla Cûdîyî vat: ''Hêrişê vera govend û deyîranê kurdkî mojnenê ke AKP senî qels bîyo û verê çinbîyayîşî de yo. Bi qedexekerdişê kultur, deyîr û govendan îqtîdar keno ke kaos virazo. Ganî kurdî tewirê xo bi metodanê demokratîkan bimojnê û pê provakasyonan nêxapîyê. Ma do bi govende û kilamanê xo hertim waran de bibê. Kurdan DAÎŞ bin kerd û ê do AKPyî zî bin bikerê.''