Endamê Komîteya Rayberdişî ya PKK'yî Dûran Kalkanî milîtanê rayberî yê PKK'yî Cemîl Amed û Demhat Agît ê ke endamîya Konseya Rayberdişî ya KCK'yî kerdêne û Silêmanî de 15'ê Teşrîna Verêne hetê dewleta Tirkî ra ameyî şehîdkerdene behsa înan kerde.

Dûran Kalkanî ANF'yî rê qisey kerd û vat sere de ciwanê Kurdî pêroyê şarê Kurdî heta peynîya do mîlîtananê xo yê fedayîyan rê waîr bivejîyê, vîrameyîşê înan bidê ciwîyayene, bibê wayîrê fîrazeyêkî ke armancê bêro ca. Kalkanî vat, "Ma hîna zêde têkoşînê xo bidê. Hîna zêde girîngîye bidê fikrê azadîye yê Rayber Apo, ciwanî hîna zêde do verê xo bidê hetanê gerîla, pêroyê şarê ma zî çar parçeyê Kudistanî de û teberê welatî de hîna zêde têkoşînê ma yê azadîye rê wayîr bivejîyê û tewrê ci bibê. Na çarçeweye de hîna zêde mêrxas bibê, hîna zêde fedakar bibê. Bi seyan, bi hezaran Cemîl û Demhatan mîyanê xo ra bivejê û verê xo bidê têkoşînê azadîye û demokrasîyî.''

Amed û Agîtî Keda Girde Daye

Kalkanî  derheqê Amed û Agîtî de nê vatî: ''Hemra Cemîl Amedî 30 serran  ê mucadeleyê azadîye de heme leteyanê Kurdistan de xebitya û sîyasî û komelkî xeylî wezîfeyê ke girewtî pêroyî bi serkewtiş bica ardî û keda  pîle  daye mucadeleyî. Xeylî rey birndar bi. Embazêko gazî bi. Lingê xo vînî kerdbi la qet yew zordarîye o rayîrê ci ra dûr nêfîna. Rixmê heme zehmetî xeta Rayber Apo de xover da û aver şi. Hemra Demhat Agîto ke wezîfeyê îdeolojîk û sîyasî kerdêne qet nêvindertêne û nêqeflîyanêne. Semedê azadîya şarê ma û way û biratîya şaranê herême karê erjeyayî kerdî. Bitaybatî karê dîplomatîkî aver berdî. Mîyanê her tewir mucadeleyî de ca girewt. Şexsîyetê xo de mîlîtanêk û şexsîyetêko qehreman aferna.”

Her ca Rojawan Her Dem Xoverdayîş

Kalkanî qiseykerdişê xo rê wina dewam kerd: ''Hêzê TC'yî yê faşîstî û îşxalkarî yê ke Girê Spî û Serêkanîyê de nêvanê doman, cinîye, kalpîr pê kîmyasalan, qirkerdişan kenê, Vakurê Kurdistanî de temsîlkaranê şarê ma erzenê zîndanan, Başûrê Kurdistanî de şaristano qedîm Silêmanî de embazanê ma bi hewayêkê barbarîye kişenê. Ganî ma verba înan xo rê pers bikê ke ma senî eşkenî xo rêxistin bikê, têkoşînê xo senî bidê. Başûr de boykot esto, ez veng dana ker kesî rê ke seba ke boykot hîna zêdêr faydayên bibo û ser bikewo xîret bike. Ez veng dana her kesî ke hem cayê xo de bimanê hem dişmen boykot bike, hem zî çalakîye bike. Xoverdayîş ma ganî keno, ma dano ciwîyayene. Semedê şarê ma ganî her ca Rojawan û her dem xoverdayîş bo. Embazan Cemîl û Demhat, şehîdanê mêrxasan ê Rojawanî, ma her tim yad bikê û wayîrê înan vivejîyê ke hesabê înan bipirsê. Ma do destûr nêdê ke hişmendîye û sîyaseto qirker cîhan de biciwîyê, ma do vîrameyîşê embazanê xo bi têkoşînêko winasên, bi serfîrazî bidê ciwîyayene. Ma do armancê înan bîyarê ca.  Hişmendî û sîyaseto qirker û faşîst do çin bibê, Kurdistan do azad bibe û Rojakewtena Mîyanêne do demokratîk bibe."