Rêxistina Cinîyan ê Ciwanan pare kerd ke çarçewa kampanyaya îmzayan ê seba Başûrî ra vetişê arteşa tirke ya îşxalkere de 10 hezar îmzayî arê dîyayî û wekîl, endamê rêxistinan tewrê kampanya bîyî.
Rêxistina Cinîyan ê Ciwanan Parka Nalî ya Sîlêmanî de derheqê kampanyaya îmzayan de ke seba ke leşkerê tirkî Başûrê Kurdîstanî ra bêrê vetene dîyaye destpêkerdene, eşkerayîyêka çapemenîye daye.
Eşkerayîye hetê Hawrê Melîkî ra ameye wendene. Melîkî da zanayene ke çarçewa kampanya de 10 hezar îmzayî arê dîyayî û tay wekîlê Parlamentoya Herêma Kurdîstanî û Iraqî, rêxistinê komelê sivîlî zî beşdarê kampanya bîyî.
