Qezaya Kanîreşî ya Çewlîgî ya ke nufusê ci 28 hezar o serre de 6 mengan binê vewre de ya. Şarê Kanîreşî  gemarîya hewayî û meseleya sotemenî ra wazeno gazo xozayî wa bêro ardene qeza. Muxtaranê Kanîreşî waştişê şarî ser o seba ardişê gazê xozayîyî kampanyaya îmzayan daye destpêkerdene.

Hemwelatîyanê Kanîreşî ard ziwan ke sotemenîyê sey komir, eşteyanê fosîlan zerarêkê pîlî danê xoza û weşîya merdiman û cara zimistan qeza de 6 mengan dewam keno. Hemwelatîyan îfade kerd ke vaya sotemenîyan zî zaf zêdîyaya û wazenê gazo xozayî bêro ardene her keyeyî.