Fermandarê Qerargehê Merkezê Pawitişê Şarî  Murat Karayilanî gerîlayê ke Avaşîn û Zap de şer kenê înan reyde qisey kerd. Qiseykerdişê Karayilanî yo ke Gerîla TVyî de ame weşaneye de nê vatî:

''Ez hêver şima perûne bi heskerdiş û hurmetî selam kena. Nê xoverdayîşê bimbarek û tarîxî de heme embazanê rê zerrîya safî ra serkewtiş wazena.  Serkewtişê şima, serkewtişê ma perûn o. Serewtişê  şar û têgêrayîşê ma yo.

Ma dewro tewr muhîm ê têkoşînê xo de yê û têkoşîno tewr muhîm û bimbarek ewro Zap û Avaşînî de yeno kerdene. Ewro zerrîya hema kurdanê welatperweran Zap de erzena. Aye ro şarê ma her ca de çalakîyan keno. Xoverdayîşê Zapî, xoverdayîşê heme şarê Kurdîstanî yo. Xora yeno zanayene ke têkoşînê ma de cayê xoverdayîşê  Zap û Avaşînî cîya yo. Zap tim zerrîya dişmenî de bîyo derd û kul. Dişmen tim Zapî ra terseno. Dişmen nê heqîqetî zano. 5-6 serrî yo vera Herêmanê Pawitişî yê Medya hêrişan kenê la tim Zap verê înan geno. Coka waşt dormeyê ci ra bigêro. Kewt tay cayan û hêriş kerd. La peynî de dî ke Zap tim verê înan geno. Înan zî fam kerd ke ê heta ke Zap medê war nêeşkenê ser bikewê. Ê hesab kenê ke pê wardayîşê Zap û Avaşînî heme eyaletanê bînan zî bidê war. Coka nameyê Pençe-Kilitî nayo pa. Wazenê ke pê mifteyê Kurdîstanî tîya ra abikerî û destkewteyanê kurdan çîn bikerê. La ma zanê ke şima sey hemrayanê erjayeyan û qehremananê Zagrosî do hesabê înan bixeripnî û nê waştişî qirraka ci de biverdê. Pê ruhê fedayî yê Apoyî do cewabo ke hewce keno bêro dayene.

Ma zanê war de amadekarîya şima esta. Tecrubeyê parî muhîm bî. Eke şima hemrayê erjayeyî sey fedayîyanê Apoyîyan tecrubeyanê parî ra ders vejî, qet yew hêz nêeşkeno verê îradayê şima de vindero. Ê verê îradeyê şima de do bişikîyê. Bitaybetî şerê tîman ganî bêro averberdene. Metodê tîmanê erazî wa bêrê averberdene û şerê tunelan bêro kerdene. Par ma şerê tunelan de sey qijêko/a  newe kewto/a pay bî. La nika tecrubeyê ma est ê. Nika ganî nînan ra ma feyde bikerê. Eke wina bêro têgêrayêne ma pê bawer ê ke dişmen se keno wa bikero do bin bikewo.

Ma wazenê ke vera dişmenê pîrik û pîrkalanê xo, vera işmenêkê wehşîyî ser bikewê. Ma dişmenê xo nê wurdî ne zî pîl vînenî. La ma zanê ke bi rayîr û metodanê xo, bi xorîyîya taktîkî  û ruhê Apoyî, fedayîtîya embazanê xo ma eşkenê ser bikewê. La no rehet nîyo, zehmet o. Êyê ke wezîfe serê de yê wa bitedbîr têbigêrê. Stratejîya ma ganî binfînayîşê dişmenî bi. Teqize mekerê. Bi sebir, aqil, cesaret û îradeyî ma do dişmenî bin bifînê. Ma pê bawer ê ke nê hêzê embazan est o. Ma embazanê xo hole sarisnenê. Fermandaranê xo, heme embazanê xo zanê.  Şima ewro yew tarîxî afirnenê. Têna şima ûca nîyê. Heme şarê ma şima dir o. Zerrîya şarê ma ûca erzena.  Şima sey serkêşanê komelî, qehremananê dewrî ceng kenê. Şima eşkenê ser bikewê. Pê xo bawer bê.

Xususo bîn zî ; senî ke ma par tecrubeyê Girê Sorî de dî çimeyo tewr pîl ê hêzî ruhê embazîya Apoyî ya. Embazî ganî her hela cuye û têkoşînî nê bipawê. Ruhê hemrayîye û tewirê ekîbî, yewbînî rê heskerdiş û hurmet hetkarî û parekerdişî keno xorî. Her embaz wa înîsîyatîf bigêro. Hûmara şima çend bena wa bibo, şima eşkenê bibê hêzêko pîl û potansîyelêko xurt vejê werte.Fermandarî ganî bi ruhê fedakarîye, bi hewayêkê qerardarî serkêşîye bikerê. Eke şima bi heskerdiş û hurmetî nêzdîyê yewbînan bîbê û goreyê qeydan têbikerê, şima do qetî ser bikewê.

Senî ke ma vat; şima têna nîyê. Heme şarê ma, dostê ci, heme hemrayê ma û têgêrayîşî ma şima dir ê. Her kes pê heyacanê pîlî têkoşînê şima teqîp keno. Hemrayê ma yê ke îdarayê KCK û PKKyî de şima rê selam kenê û şima pîroz kenê. Ez zî bi nameyê têgêrayîşê ma şima selam kena û pîroz kena.  Bitaybetî embazê ke tewrê çalakîya Girê Rûbarî bîyî û heme embazê bînê ke çalakîyanê serekwteyan kenê ma înan pîroz kenê û dewam serkewtişî wazenê.  Ma pê bawer ê ke nê embazî do bi ruhê Apoyî serekwtişanê pîlan bifînê dest û Gelîyê Zapî de tarîxêkê newî binusê. Senî ke şarê ma Cenevre de verê Neteweyanê Yewbîyayeyan  de vano  Bijî, Bijî berxwerena gerîla  ez zî tewr peynî de vana ke; Bijî, Bijî berxwerena gerîla, Bijî, Bijî Serok APO.''