Endamê Komîteya Rayberdişî ya PKKyî Murat Karayilanî Radyoya Dengê Gelî rê qisey kerd û venga şarê Riha û Botanî da ke wa 31ê adare de raya xo bido xo, înanê xo.

Karayilanî wina vat:

''Riha herêmêka girîng a, wareyê pêxemberan a. Rayber Apo zî Riha ra yo. Ganî şarê Riha na raştîye bivîno û xeta demokrasî û welatperwerîye de xo hîna zaf aver bero. Heyf ke AKP Riha îdare keno. AKP hemkarê MHPyî yo û dişmenê kurdan o; kurdan qetil keno. Ganî şarê ma yê Riha rayanê xo nêdo nê kiştoxanê xo.

Ganî Riha wayîra welatperwerîya xo vejîya. Kurd, tirk û erebê Riha wa wayîr ameyoxê xo vejîyê û rayanê xo medê zaliman. Ez venga welatperweran, cinîyan, ciwanan û kedkaranê Riha dana ke wa bi hisgerî têbigêrê. Ma hêvî kenê ke Riha de welatperwerîye û demokrasî do ser bikewê. Ganî namzedê welatperwerî netîce bigêrê û Riha de têkoşînê demokrasî û azadîye berz bibo.

Şirnex merkezê Botanî yo. Botan têkoşînê azadîye yê Kurdîstanî de wayîrê yew rol û mîsyonî yo.  Şirnex kelaya welatperwerîye ya, mekanê Egîdan o. Dewleta tirke kena ke na kela bivisna destî. Nika uca de xeylêk leşker û polîsî sey weçînitoxî ameyî mojnayene. Nê xora sextekarî yê. Ganî nê weçînayîşan de şarê kurdî îradeyê xo biweçîno. Merkezê Şirnexî de tay kesê girîngî est ê. Ma hêvî kenê ke nê  kesî nê weçînayîşan de bi duristî têbigêrê û destek bidê namzedanê welatperweran. Ma wina pawenê ke şarê Botanî do paştî bido namzedanê xo.

Şarê ma yê Botanî wayîrê qehremanîye, rol û mîsyonan o. Şarê Botanî temsîlkarîya welatperwerîye keno. Ma zî şehîdê ma zî şarê Botanî ra pawenê ke goreyê ercanê xo têbigêro.

Par Cizîre û Hezex de tay kesî ameyî cezakerdene. Wa merdim û keyeyê nê kesan bizanê ke nê kesî bi bira merkezî nêameyê cezakerdene. Ê serebûtî serebûtê herêmî yê. 

Ez nika ra Roşanê Remezanî zî şarê ma rê bimbarek kena. Wa Roşanê Remezanî bibo wesîleya weşî, azadî û rindîye.''