Hemserekîya Konseya Rayberdişî ya KCKyî bi wesîleya serrgêra şehadetê  Zîlane (Zeynep Kinaci) aya ke 1996î Dêrsim de çalakîya fedaîye viraşte, eşkerayîyêke daye.

KCKyî ke Zîlane bihurmet yad kerd nê vatî: ''Çalakîya Şehîde Zîlane vera kolonyalîzmîya qirkerdişî teqanayîşê hêrsî bî, tîtîkê giredayîye ya Rayber Apoyî bî. Zîlana ke bedene xo kerde lete-leware bi vatişê werîkna yewna çîyê mi bîbêne ke mi bidayêne  heskerdişê xo yê azadîye û welatî ramojna. Rayber Apo semedê çalakîya Zîlane vatbi na manîfestoyê azadîye, mîlîtanîye, girêdayîya Rayberîye, welatperwerîye û hêrsê vera dişmenî ya. Çîyêko nê pêro afernayî zî manîfestoyê waştişê azadîye yê cinîyan o.

Şehîde Zîlane têkoşînê azadîye cinîyan de bi hemleya xo gamêka girde etşe û mîlîtanîya cinîyan bi na çalakîye aver şîye. Bi hezaran cinîyî ver bi roşnayîya azadîye ke Zîlane tafînaye vazdayî. Na raştîye kerd ke Şehîde Zîlane bibe qutubê têgêrayîşê cinîyan. Şehîde Zîlane raştîya Rayber Apoyî de vera her qeyde xirabîye hêrs dîbi. Çalakîya aye têna vera leşkeran nêbî.  No serê qirkerdişan de xo teqnayîş bi ke bi na çalakîya hêrsê vera qirkerdişan zafêr bi. Çalakîya Şehîde Zîlane çalakîyanê tewr serkewteyan ê tarîxî ra ya ke resaye heme hedefanê xo.

Şehîde Zîlane gama ke Tansu Çiler vatêne ''ya qedîyeno, ya qedîyeno'' û hêrişê dewr giranî vera kurdan ameyêne kerdene tewrê  sefanê gerîlayan bîye. Nê serran de sey Dêrsimî heme Kurdîstan de dewî ameyêne rijanayene û vêşnayene. Ewro na polîkaya herîşkare hema zî vera kurdan dewam kena. Hêrişê rojanê me goreyê seranê 1990an ra hîratêr ê. Demê wînayên de ganî hêrs û waştişê azadîye yê Şehîde Zîlane zafêr bêro hîskerdene û goreyê ci bêro têgêrayene. Gerîla berpisîyarîya xo ya tarîxî ano ca. Ganî şare ma her ca de bi hêrsê Zîlane têkoşînî xurtêr bikero. Adirê azadîye  ke Rayber Apoyî tafînayo do vera hêrîşanê qirkerdişî şaranê Kurdîstan, Tirkîya û Rojhelatê Mîyanênî azad bikero.''