Hemserekîya Konseya Rayberdişî ya KCKyî bi wesîleya şayîyanê heybtinan ê Newroze eşkerayîyêka nuştekîye daye û nê pare kerdî:

''Newroza 2024î bîye Newroza tewr heybetine ya serranê peyênan. Şarê kurdî çar parçeyanê Kurdîstanî û teberê welatî de sey mîlyonan vejîya meydanan û Roşanê Newroze bi coşê pîlî fîraz kerd; îradeyê xo,waştişê xo yê cuya azad û demokratîke, tewirê xo zaf hêzdar mojna ra. Serhatî ra heta Botan, Dicle, Firat  û Zapî; Amedî ra heta Rojawan, Şehba, Cizîre, Kobanî; Başûrî ra heta Rojhelat, Sinê, Meriwan, Makû û ûca ra heta teberê welatî her ca de Newroze bi tewrbîyayîşê sixletî û heybetine ameye fîrazkerdene. Amed zî bi tîtikê nê. Ma tewirê xoverdayîş û azadîye yê mîlyonan selam kenê. Şarê ma yo ke bi deyîranê azadîye û govendan meydanî kerdî de û Newroze goreyê tarîxê ci pîroz kerd, ma ci rê şukrananê xo teqdîm kenê. Bi na wesîle ma reynda Newroza şarê xo fîraz kenê. Bitaybetî Newroze cinîyan ê ke reng da şayîyan û dayîkanê kurdan û xoverdayoxan fîraz kenê.

Şarê kurdî Newroze de îrade û mesajê xo bi hewayêkê zelalî mojnayî ra. Eşkera reyna Rayber Apo sey îradeyê xo mojna ra  û vat muxatabê meseleya kurdan o yo. Şarê kurdî reyna waşt wa Rayber Apo bireso azadîye xo ya fîzîkîye û mojna ra ke kurdî cuyeya bê Rayber Apoyî qebul nêkenê. Mesajo tewr zelal ê 2024î no bi. Şarê kurdî yew fekî ra moja dost û dişmenî ke Rayber Apo îradeyê ci yo, wayîrê nê îradeyî vejîyeno, çirey do azadîye cameverdo. Ganî mesajê şarê kurdî yê Newroze raşt bêrê famkerdene û goreyê nê ci rê bêro nizdîbîyayene. Êyê ke hesabê xeletî kenê do vera xo îradeyê mîlyonan bivînê. Mesajo bîn ê Newroza 2024î zî şarê kurdî do rixmê heme zextan, înkar, îmha û qirkerdişê xoverdayîş û têkoşînî rê dewam bikero. 

Na Newroze cewabo xurt da polîtîkayanê qirkeran ê îqtîdarê faşîstî. Newroze hesabê îqtîdarî xeripnayî  û mojra na ke hesabo xelet Amedî ra agêreno. Ganî Newroza Amedî raşt bêro famkerdene, raşt bêro wendene. Ma Newroza Amedî cîya fîraz kenê û kesê ke tewrê Newroza Amedî bîyî selam kenê. Newroza emserî mojna ra ke têkoşînê azadîye yê kurdan resayo tîtikî û do ser bikewo. Merheleya teknîkî û taktîkî ya ke gerîlayî resayê ci moralo pîl da şarê ma. Coka Newroze dahîna zaf bicoş û hêzdar ravîyarte. Newroze de têkoşînê gerîlayan û şarî yew bîn kerd temam, hêz da yewbînan û bi bingeyê serkewtişî. Ma reyna bi germayîya Newroze  roşanê neteweyî yê Newroze fîraz kenê.''