Hemserekîya Konseya Rayberdişî ya KCKyî derheqê rewşa peyêne de eşkerayîya nuştekîye daye û nê vatî:

''Çeteyê kanperestê faşîstî verdîyenê Sûrîye ke kaos û pêkewtişî xorîyêr bibê. Çeteyê  ke dewleta tirke weye kerdî, pawena û şawitî Helebî dima ra verê xo da Hama û bajaranê bînan. Bi hewayêkê hemwextî vera Şehba hêrişê îşxalî dîya destpêkerdene. Hetê bînî ra vera heme Rojawanî hêrişî yenê kerdene. Çi heyf ke dewleta tirke Sûrîye vera hêrişan îradeyê xo nêmojna ra, şar nêpawit û heme cayê ke çeteyî kewtî de caverdayî. Na rewşe heme şarê Sûriye qirkerdişî rê rî bi rî verdayî.

Vera Rojhelatê Mîyanênî û Sûrîye planêko global yeno rayraberdene. Dewleta tirke na rewşe ra feyda kena û plananê xo yê qirkerdiş  û îşxalî dana ciwîyayene. Na çarçewaya de wazena sere de destkewteyê şarê kurdî û destkewteyanê şaran werte ra wedaro û qirkerdiş bikero. Peyê hêrişê çeteyan de dewleta tirke est a. Eşkera yo ke no do rewşe xirabêre bikero. Rojhelatê Mîyanênî û Sûrîye de roldayîşê dewleta tirke verê tehlukeyanê girdan akeno.

Ma sey têgêrayîşî sere ra paştî danê yewîya şaranê Sûrîye û seba ke pêro şarî pîya azad biciwîyê ma kede daye. Afirnayîşê Sûrîyeya demokratîke semedê heme şaranê Sûrîye metodo tewr raşt yê çareserîye bi. Bi Sûrîyeya demokratîke Rojhelatê Mîyanênî zî eşkeno bibo demokratîk û problemî eşkenê bêrê çareserkedene. Dewleta tirke bi hêrişanê xo kena ke vera demokratîkbîyayîşê Sûrîye û Rojhelatê Mîyanînî bigîro.Waştişê dewleta tirke o yo ke îdareyê xoserî werta ra wedaro. Dewleta tirke bi hêrişê çeteyan wazena Rojawanî îşxal bikero û şorişî werte ra wedaro.

Hem Rojawan de hem zî Sûrîye de prosesêko îstîsna yeno ciwîyayene. Dewleta tirke kena ke na rewşe goreyê menfeatê xo bişuxulna û plananê xo yê qirkerdiş û îşxalî bîyaro ca. Bi nê waştişî hem çeteyê xo verdayîşî pa hem zî bi xo hêrişê Rojawanî kena ke îdareyê xoserî werta wedaro. Vera nê ganî şarê ma her ca de xo rêxistine bikero, xo bipawo û desturê îşxal û qirkerdişan medo. Vera tehlukeyan têna bi xopawitişî şar eşekeno ser bikewo. Wa şarê ma hîşyar bo, çewî ra hetkarî mepawo bi xo, xo bipawo. Wa şarê ma her ca de pîya bi hêzanê xopawitişî têbigêro. Prosesî Şerê Şarê Şorişgêrî visto verê ma. Na çarçewa de ganî şarê ma xopawitişê xo xurtêr bikero. Ganî şarê ma çarçewaya stratejîya Şerê Şarê Şorişgêrî de xo rêxistine bikero û wina têbigêro.''