Hemserekîya Konseya Rayberdişî ya KCKyî bi wesîleya serrgêra Şorişê Rojawanî eşkerayîyêke nuştîkeye daye.

Eşkerayîya ke  sere de şehîdê şorişî bi hurmet ameyî vîrardene û gazîyanê ci rê zî serkewtiş ame waştene de nê ameyî parekerdene:

''Bingeyê Şorişê Rojawanî hetê Rayber Apoyî ra ame ronayene ke 20 serrî Rojhelatê Mîyanênenî, Sûrîye û Rojawanê Kurdîstanî de mend û şarê ci rê eleqedar bi. Bi hezaran ciwanê cinî û camêrdî yê Rojawanî hetê Rayber Apoyî ra ameyî perwerdekerdene  û bîyî şerwan û fermandarê têkoşînê azadîye yê Kurdîstanî.  No şoriş hetê Rayber Apo, şehîdan û şarê Rojawanî yo ke pabesteyê Rayber Apoyî ra ame kerdene. Rojhelatê Mîyanênî ke pê zîhnîyetê camêrd-dewlete yeno îdarekerdene de no şoriş bîyo vahayêke demokrasîyî. Semedê heme şaranê dinya bi sebebê şayîye. No şorişî semedê Rojheleta Mîyanênî û merdimîye hêvîya cuya newîya demokratîke û azade pîl kerde.

Nê şorişê de pîya şaranê Rojhelatê Mîyanênî her hetê dînya ra şaran tede ca girewt.  Nê enternasyonalîstan xeta azadîye û demokrasîye ya komelkî ya Şorişê Rojawanî aferna. Mîrazê şorişî nê şehîdê enternasyonalîst ê. Neteweya demokratîke, komelo demokratîk, azadîya cinîyan, wayûbiratîya şaran, û sîstemê Konfederalê Demokratîkî yê vera îqtîdar û dewlete bîyî ercê esasî yê nê şorişî. Cinîyan morê xo da nê şorişî ro. Coka no tewr zaf bi şorişê cinîyan.  Ewro estunê tewr pîlî yê şorişî dayîkî û cinîyî yê. Vera heme hêrişan şoriş û xeta Rayberîye pawenê. Ewro cinîyê kurd, ereb û suryanîyî Şorişê Rojawanî rê serkêşîye kenê. Heme dayîkî û cinîyê ke wayîrê nê şorişî vejîyenê ma înan selam kenê.

Şorişê Rojawanî 9 serran de bi şorişê  pêro merdimîye. Têkoşînê vera DAÎŞî rê serkêşîye kerde û heme merdimîye rê xizmeto pîl kerd. Heme merdimîye Şorişê Rojawanî rê zaf çî deyndar o. Coka ganî her kes wayîrê nê şorişî vejîyo. Bêşik o merdimîye wayîrê nê şorişî vejîyaye. La zafêr wayîrvejîyayîş heq keno. Hêriş û qirkerdişê dewleta tirke yê vera Rojawanî vera heme merdimîye yê. Çunke no şorişê heme merdimîye yo. 10 hezarî ra zafêr cinî û camêrdî têkoşînê vera DAÎŞî de şehîd bîyî. Înan gonîya xo semedê heme merdimîye rişnaye. Şarî ver hêrişê îşxalî yê dewleta tirke vejîyenê. La sere de Amerîka, Îngîlîstan, Fransa, Almanya û xeylêk welatê bînê ke DAÎŞî ra zirar dîyo vera hêrişê dewleta tirke bêveng ê, ya zî bi tewirê xo paştî danê îşxalî.  No tewiro tewr bêehleq ê tarîxê merdimîye yo.

DAÎŞ û hemkarê ci dewleta tirke hema Rojawanî tehdît kenê. Coka pawitişê nê şorişî wezîfe yo verên o ke ganî cade bêro kerdene. Ganî sere de şarê Rojawanî heme merdimîye nê şorişî bipawê. Seba ke hînî îşxalê se Efrîn, Serêkanîyê û Girê Sipî nêre ciwîyayenê ganî miheqeq têkoşîn bêro pîlkerdene.

Şorişî û têkoşînê azadîye de raştîye û zurî, dost û dişmenî û welatperwer û xayînî benê zelal. Şarê Rojawanî mîyanê nê şorişê pîlî de fedakarîye pîlî û xayînîye dîyî. Coka tim vera xayînîye tewirê ci zelal o. Ewro bi tewirê xo yê vera îşxalê dewleta tirke şarê Kurdîstanî rê beno nimûne. Nê tewirê înan bi hurmet selam kenê.

Şorişê Rojawanî têna Sûrîye nê rengê Rojhelatê Mîyanênî bedilna, heme komelî bedilnayî. Tesîrê nayî do des serranê verê ma de zafêr bêro vînayene.

Ma şaranê Rojawanî bu hurmet selam kenê û soz danê ke ma do xeta şehîdan û Rayber Apoyî her ca de bidê pratîkkerdene. Wextê ci yo ke  'Yew di zaafêr Rojawanî' bêrê awankerdene.''