Hemserekîya Konseya Rayberdişî ya KCKyî Şêx Seîd û 47 embazê ci yê  ke 95 serrî verî ci hetê dewleta tirke ra ameyî dardekerdene yad kerdî û nê vatî:

''Dardekerdişê Şêx Seîd û embazanê ci ra nata vera kurdan hêrişî qirkerdişî dewam kenê. Hêrişê qirkerdişî de hende aver şîyî ke ne cayê goranê Şêx Seîd û embazanê ci ne zî cayê goranê Pîr Seyît Rizayî  û embazanê ci yenê zanayene. Ewro zî bi eynî zîhnîyetî hêrişê goranê gerîlayan kenê.

Seba ke Şêx Seîd û embazanê ci Kurdîstano azad waşt ê ameyî dardekerdene. Xora kursîyê dardekerdişî de înan waştişê xo û hêrsê xo yê vera dişmanîye vera kurdan ardî ziwan. Waştişê înan oyo ke qicê û tornê înan dişmenanê kurdan ra qesasê înan bîgêrê. Gerek ciwanê kurdan goş bidê nê vatişan û waştişê pîr û pîrkalan xo bîyarê ca.

Înanê ke kursîyê  dardkerdişî de bianor nefese xo da bi serran o tornê înan koyan, deştan, dewan û bajaran de tekoşînê azadîye yê şarê kurdî danê. Kede , hîsê welatperwerîye û waştişê azadîye yê înan veng nêşîyo. Şêx Seîd û embazanê ci rolê xo kay kerd. Ewro tornê nê xoverdayoxan têkoşînê înan domnenê.

Înanê ke bi dardekerdişê Şêx Seîd û embazanê ci waştêne waştişê azadîye yê kurdan binate ra wedarê heman roje de semedê Rayerê têkoşînê hemdemî yê kurdan Rayber Apoyî de qerarê dardekerdişî da. Bi nê qerarî mesajê peynîya sereweritişî de dardekerdiş  esto ameye dayene û ame waştene ke têkoşînê kurdan bêro fatisnayene. Heman roje dayîşê nê qerarî nizdîbîyayîşê dewleta tirke yê vara kurdan zelal fîneno çiman ver.

Fikro sîyasî çi beno wa bibo na dewlete dişmenê heme kurdan a. Têna hêzo ke xover dano hêver ey hedef gena. Tarîx de nimûneyê nayî zaf ê.  Êyê ke Şêx Seîd, Pîr Seyît Rizay û embazanê înan û heme şehîdanê ma rê girêdaye yê ganî ewro dormeyê têkoşînê ma yê azadîye yê vera delweta tirke de bêrê têhet. Têgêrayîşê ma yê azadîye tim têkoşînê caardişê waştişanê înan ke kursîyê îdamî de ameyî ziwan, dano. Têkoşînê ma do ser bikewro û Berê Koyî yê Amedî do vîrdarîyê azadîye yê înan bêrê ronayene. Sergêra şehdatê Şêx Seîd û embazanê ci de ma sozê Kurdîstano azad û demokratîkî danê înan.''