Komîteya Tekîlîyanê Teberî ya KCKyî derheqê zîyaretê dewleta tirke ya îşxalkere yê Bexdadî eşkerayîye daye û nê vatî:

"Ewro hîrê wezîranê dewleta tirke ya îşxalkere paytextê Iraqî zîyaret kerd û îdarekaranê ci reyde pêvînayîşî kerdî. Goreyê eşkerayîyanê şefê faşîstî Erdoganî û selahîyetdaranê bînan Tirkîya yê ke verê nê zîyaretî ameyî dayene û bitaybetî qikerdişê ke dewelta tirke aşma ravîyartî de vera hemwelatîyanê Iraqî kerd yeno famkerdene ke rojdem çî yo û ewro ra tepîya do se bikerê.

Dewleta tirke ya îşxalkere polîtîkaya xo ya zereyî û teberî çarçewaya qirkerdişê kurdan de rayra bena. Nê semedî ra estbîyayîşê kurdan red kena. Vera kurdan polîtîayanê qirkerdişî yê kulturî rayra bena, normanê tewr esasîyan ê heqanê merdiman ê unîversalan binpay kena û vera Rayberê Şarê Kurdî Abdullah Ocalanî tecrîdê giranî û îzolasyonî rayra bena. Polîtîkaya xo ya teberî zî goreyê na polîtîkaya qirkerdişî ya zereyî rayra bena. Coka ça yê dinya de beno wa bibo, kamî reyde pêvînayîş kenê wa bikerê, rojdemê selahîyetdaranê  dewleta tirke qirkerdişê kurdan û semedê şerê qirkerdişî waştişê paştdayîşê mîyanneteweyîyî yo.

Pêvînayîşanê Neteweyanê Yewbîyayeyan ra heta tîtikê NATOyî, Davos û Munîhî, Astana ra heta Soçîyî rojdemo esas ê Erdoganî semedê polîtîkayanê qirkerdişê kurdan paştî bigêro û dewletan û hêzanê bînan bikero hemkarê sûcanê xo yê qirkerdişî. Polîtîkaya Tirkîya ya Rojhelatê Mîyanênî zî eynî çarçewa de ya. Bitaybetî çend aşmanê peyênan de vera Iraqî xeylêk hetan ra polîtîkaya tehdît û şantajî rayra bena ke ey zî bikero hemkarê sîyasetê xo yê qirkerî.

Dewleta tirke hetê qanûnê bingeyî  ra heq û nasnameyê kurdan nas kerdo û babeta çareserkerdişê meseleya kurdan de game muhîmî eşt ê. Dewleta Iraqî sîyesetê qirkerî xo dima verdayî û gamê demokratîkî eşt ê. Eke ver bi demokratîkbîyayîşî gamanê bineyna cesuran bierzo Rojhelatê Mîyanênî de bena serkêş ê û heme kurdî û dormeyê demokratîkî paştî danê ci. Dewleta tirke ya ke nê vînena biisrar kena Iraqî rayîrê demokratîkbîyayîşî ra bifîno dûrî û bikerê hemkarê polîîtkayanê xo yê qirkeran ke biaçarno polîtîyanê seserrî verî. Coka her qeyde şantaj û tehdîtan kena. Nika qaçîko selahîyetdaranê Iraqî reyde kombîyayîşê asayîşî kena. Her çîya ver ganî na raştîye bêro tesbitkerdene ke semedê Iraqî tehtîdê asayîşî yo tewr pîl dewleta tirk a. Dewleta tirke semedê Iraqî tehlukeyo tewr pîl a.

Hela tenge de vera qirkerdişanê DAÎŞî Têgêrayîşê Azadîye yê Kurdîstanî û PKKyî şarê Iraqî pawit. Nê semedî ra eke titîkê asayîşî yeno kerdene ganî no vera PKK nê vera dewleta tirke bêro kerdene. Çunke na dewlete herra Iraqî îşxal kerda, serê herra Iraqî de bi seyan baregehê xo viraştî  bi des hezaran leşkerê xo tîya ca kerdî. Şingalî ra heta Kelar, Duhokî  û Zaxoyî her roje parçeyêkê cîyayî yê Iraqî benê hedefê teyarayanê şerî û droneyanê dewleta tirke. Netîceya nê hêrişan de heta nika 165 hemwelatîyê Iraqî şehîd bîyî û seyan birîndar bîyî û çend şina hûmare zêdîyere bena.

Tirkîya vera Iraq û welatanê bînan ê Rojhelatê Mîyanênî bi birnayîşê awa çemanê Firat û Dîcle polîtîkaya qirkerdişî ya ekolojîk, ekonomîkî rayra bena. Rixmê nê raştîyan pêvînayîşê selahîyetadaranê Iraqî bi  terorîst Hakan Fîdan û selahîyetdaranê îstîxbarat û leşkerîyan qetî goreyê menfeatê şaran û dewleta Iraqî nîyo. Tirkîya têna eşkena îşxal, teror, talan, qirkerdiş û hesran bido Iraqî. Eke dewleta tirke asayîşê Iraqî wazena, qey bi hezaran çeteyê DAÎŞî perwerde kerdî û şawitî Musul, Kerkuk û Abara. Çeteyê ke hêrişê Iraqî kenê hetê Tirkîya ra ameyî perwede kerdene. Têgêrayîşê Azadîye yê Kurdîstanî û PKKyî zî semedê xelisnayîşê şaranê Iraqî û Rojhelatê Mîyanênî têkoşînê vera DAÎŞî de bi  hezaran şehîdî dayî.

Na çarçewe de ma veng danê selahîyetdaranê Iraqî ke wa hemkarê sûcanê qirkerdişî yê dewleta tirke mebê. Destûr meverdê wa dewleta tirke şima semedê nimitişê sûcanê xo yê şerî bişuxulno.  Ma veng danê heme hetanê sîyasîyan, welatperweran, roşnvîr  û nuştixan, şexsîyet û rêxistinanê komelê sîvîlî vera tehdît û hêrişanê dewleta tirke bêveng memanê.''