Komîteya Tekîlîyanê Teberî ya KCKyî derheqê hêrişanê îşxalî yê dewleta tirke û qirkerdişanê ci yê vera sîvîlan de eşkerayîya nuştekîye daye û nê pare kerdî:

''Dişmenîya tarîxîye ya dewleta tirke ya vera kurdan dewam kena. Înkar, îmha, asîmîlasyon, surgun û qirkerdişî tim vera kurdan yenê caardene. Dewleta tirke nê qikerdişan pê paştdayîşê hêzanê rojawanî yê ke herême de polîtîka rayra benê, kenê. Bitaybetî dezgehê mîyannetweyî tim vera hêrişan bêveng ê  û paştdayîşê teknîkî danê. Sereyê nê dezgehan de NATO yeno. Dewleta tirke seke bîya endama NATOyî  ey tim vera şarê kurdî şuxulnena.  NATO têna nêame şuxulnayene bi hewayêkê aktîfî paştî zî daye hêrişan. No paştdayîş zafane perwerde, teknîk, îstîxbara û çeke bi zî ge-ge zî hetê polîtîk û dîplomatîkî ra verê qirkerdişan akerd. Coka NATO berpirsîyarê rişîyayîşê gonîya kurdan o. Na rewşe ewro zî sey paştîdayîşê faşîzmê Erdogan û Bahçelîyî dewam kena. Ê berpirsîyarê qirkerdişê Bamernê yê.

Hetê bînî ra qismêkê kurdanê xayînan zî paştî danê dewleta tirke. Ewro aktoro tewr aktîf ê xayînîye û hemkarîye PDK yo. Hende leşkerî hetê polîtîk û dîplomatîkî ra zî bi propagandaya medyaya şerê taybetî rolê kiştişî girweto xo ser. Pê  kiştişê welatperweran û kurdanê ke têkoşînê azadîye rayra benê wazenê saltanatê xo bidomnê. Eke kurdê welatperwer û azadî ser bikewê, vinkerdişî ra tersenê. Coka çînkerdişê heme destkewteyanê kurdan û qirkerdişê kurdan xo rê sey wezîfe girewto. Rolê ci oyo ke Iraq û Başûrê Kurdîstanî de îşxalê dewleta tirke rê serkêşîye kenê ke hêrişan meşrû bikerê. Qirkerdiş û dewleta tirke bîyo polîtîkaya estbîyayîşê înan.

PDKyo ke her hetî ra kewto tengayî û têna yo seba ke sûcê hemkarîye binimo tim xo rê şîrîkan vîneno.  PDK plan keno ke Başûrê Kurdîstan de hetanê kurdan bianco perrê xo. Qican hetê dewleta tirke ra danê kiştene û erzenê HPGyî ser. Narey zî hêzê înan ke pabesteyê Wezîrîya Pêşmergeyan ê leşkerê tirkan fînayî xo ver û cehd kerd ke warê Kanî Masî de hêrişê waranê gerîlayan bikerê.  Sere de Wezîrê Pêşmermeyan o ke na hadîse ra hayîdar nîyo û qismêkê selahîyetdarî ganî  hetê eleqedarî nê kayî de merê şuxulnayene. Wa vera planê PDKyî hîşyar bê. Nebo ê zî benê hamkarê îxanetî.

Silêmanî, Mexmûr, Şingal, Behdînan û Rojawan de bi hezaran merdimê ma bi hêrişê dewleta tirke de ameyî qetilkerdene. Dewleta tirke vera kurdan qirkerdişan kena û teror ana ca. Ma reyna veng danê dezgehanê mîyanneteweyîyan, dewleta Iraqî, hêzanê sîyasîyî û welatperweranê Başûrê Kurdîstanî û şarê xo ke wa vera qirkerdişan têbigêrê. Kurdîstan do bi fermandarîya şehîdan bibo azad û qirker û kiştoxê vîn bikerê.''