Hemserekîya Konseya Rayberdişî ya KCKyî bi wesîleya rojbîyayîşê  Rayberê Şarê Kurdî Abdullah Ocalanî eşkerayîya nuştekîye daye.

Eşkerayîya KCKyî wina ya:

''4ê Nîsane rojbîyayîşê Rayber Apoyî şarê kurdî, cinîyan û şaran rê fîraz bo. Ma rojbîyayîşê Rayber Apoyî fîraz kenê û seba ke ewlado winayên dayo ma dayîke Uveyşe zî bi nîmet û hurmet yad kenê.

Rojbîyayîşê Rayber Apoyî rojbîyayîşê şarê kurdî, cinîyan û heme şaranê bindestan o. Rojbîyayîşê winayênî seba ke semedê merdimîye zaf muhîmê yenê fîrazkerdene. Rayber Apo hinî kesêkî ra vejîyayo, o hinî nasnameyêko kolektîfo ke sere de şarê bindestî, komelî û cinîyî heme merdimîye wayîrê ci vejîyenê. Tarîxê merdimîye û demokrasîyî de rojbîyayîşê Rayber Apoyî dewrê muhîmî îfade keno. Rayber pê vatişê heme pêserkerdişê fîkîryayîşî yê tarîxê merdimîye mi sey nasalê egmenî teqdîm kerd, rolê xo yê tarîxî fîneno çiman ver.

Rayber Apo şarê kurdî, şaranê Rojhelatê Mîyanênî, merdimîye û cinîyan rê zaf çî da qezenckerdene.  Ma pêro Rayberîye rê deyndar ê. Têna zalîmî eşkenê nayî înkar bikerê. Ganî 4ê Nîsane semedê azadîya fîzîkîye ya Rayberîye têkoşîn bêro pîlkerdene. Têna pê pîlkerdişê têkoşînî ma eşekenê na roje fîraz bikerê û deynê xo bidê. Bêşik o ke Rayber Apoyî şarê kurdî, cinîyan û heme şaran ra vato ke şima ganî semedê azadîya xo têkoşîn bikerê ke azadîya ey xora yena manaya azadîya ma  hemeyan. Hemleya ma ya ''Tecrîd, faşîzm û îşxalî rê bes o; wextê azadîye yo'' eynî wextî de têkoşînê azadîya fîzîkîye ya Rayber Apoyî yo.

Na çarçewe de sere de Amara ke Rayber Apo tede ameyo dinya ganî her ca biaçarîyo cayê têkoşînî û fîrazkerdişê rojbîyayîşî. Ganî serra 2021 bibo serra azadkerdişê Rayber Apo û Kurdîstanî. Wa na serre bibo Rayber Apoyî reyde meydanê Newroza Amedî têhetameyîşî. Ma rena sozê layîqbîyayîşê nê bîyayîşî newe kenê.''