Hemserekîya Konseya Rayberdişî ya KCKyî bi wesîleya serrgêra îdamkerdişê  Qazî Mihemed û embazanê ci eşkerayîya nuştekîye daye.

Eşkerayîye de nê ameyî parekerdene.

''74 serrî verê cu Qazî Mihemed û embazê ci Meydanê Çarçira yê Mahabadî de ameyî îdamkerdene. Ma nê şehîdanê xo yê ke semedê azadîya şarê kurdî têkoşîn kerdêne, bi hurmet û mînet yad kenê û sozê caardişê waştişanê înan danê.

Komara Kurdî ya merkezê Mehabadî  ke 1946 se ameye ronayene  waştêne ke zerîya sînoranê Îranî de xoser bo. Dewleta Îranî pê hêrişî cewabê nê waştişî da. Seba ke teberî ra paştdayîşo ke ameyêne pawitene nêame Komara Mahabadî rijîya û îdarekarê ci ameyî îdamekerdene.

Îdamkerdişê Qazî Mihemed, Şêx Seîd, Seyît Rizay û embazanê înan tarîxê Kurdîstanî de birîna pîl a ke çirey weş nêbena. Hetê mucadeleyê şarî kurdî ra zî pê dersan pirr a. Eke ewro mucadeleyê azadîye yê şarê kurdî xeta raşte de aver şino no xeyrê tekîlîya polîtîkî ya nê dewrî û tewirê mucadeleyê ci ra yo. Mucadeleyê înan ewro Rayber Apo mucadeleyê xeta Modernîteya Demokratîke de dano ciwîyayene. Rayber Apo  ke seba ke şarê kurdî Tirkîya, Îran, Iraq û Sûrîye de azad û şertanê demokratîkan de bicîwîyê projeyo wînayên vet meydan. Eke no proje pratîk de bêro caardene kurdê eşkenê bibê azad. Fikrê netewa demokratîke yê Rayber Apoyî têna şaranê bindestan nê do şaranê welatanê serdestan rê zî feyde bikero.

Serrgêra 74. ya şehadetê Qazî Mihemed û embazanê ci de Îran eşkeno bi aktuelkerdişê kulturê pîya ciwîyayîşê şaran bireso îstîrarî. Wina qeydê waştişê Qazî Mihemedî û embazanê  ci yê çareserîya Kurdîstanê Azadî û Îranê Demokratîkî vejîyena werte.

Ma serrgêra 74. ya şehadetê  înan de Qazî Mihemed û embazanê ci yad kenê. Ma bawer kenê ke waştişê înan hetê tornanê înan ra do bêrê caardene. Ma reyna sozê ciwîyayîş û caardişê waştişanê înan newe kenê.''