Hemserekîya Konseya Rayberdişî ya KCK’yî bi eşkerayîyêk Roşanê Newroze pîroz kerde û vat ke şarê Kurdî ganî na Newroze  tecrîdê serê Rayber Apoyî bişikno û Newroza 2019‘î bike Newroza tarîxîye.

Eşkerayîye ra tayî cayî wina yê: ‘‘Îqtîdarê AKP’yî û zîhnîyetê Erdoganî wazeno ke îradeyê şarê Kurdî bişikno.Coka vera  Newroza ke  sey sembolê estbîyayîşê şarê Kurdî yena zanayene, şer akerdo. Nê semedî ra Newroza 2019’î her wextî ra hîna mûhîm a û ganî na Newroze de xoverdayîş hîna bêro xurtkerdene. Ewro  RayberApo ke şarê Kurdî wirznayo lingan ser û çimê ci akerdî yeno tecrîdkerdene. Rayber Apoyî şarê Kurdî kerd şarê serhilan û Newroze. Coka vera ey hêrsê xo vîrêjênê. Newroza emserî rayberîya Leyla Guvene de bi xoverdayîşêkê girdî yena peşwazîkerdene. Leyla Guvene, hemrayê zîndanan, Nasir Yagiz, Îmam Şîş û embazê ke Ewropa de grevê vêşanîye de yê, vera AKP’yî yo ke Dehaq û faşîzmê 12’Êlule ra zafêr xezt keno, sey Kawa, modern Kawa Mazlûm Dogan, Zekîye, Rahşane, Berîvane û Ronahîyan  bi ruhê xoverdayoxanê 14’ê Temmuze sere wedarte. No serewedartiş bi qerardarîya girde û coşê serkewtişî yeno domanayene.  No xoverdayîş hetê ra zî semedê  serewedartiş şarî vengdayîş o. Ganî şarê ma nê çalakîyan rê wayîr bivejîyo û mucedeleyî gird bikero. Sey heme Newrozan na rey zî şarê ma ganî  adirê serewedartişî tafîno û zaliman nê adirî de bivêşno. Ganî şar bi ruhê xoverdayîşî û serewedartişî  Newroze de kuçeyan, meydanan pirr bikero û îradeyê serkewtişê 31’ê Adere ramojno.‘‘