Newroza Qendîlî de endamê Konseya Rayberdişî  ya KCK’yî Dîyar Xerîbî xîtabê şelîgî kerd.

Dîyar Xerîbî ard ziwane ke KCK’yî Leyla Guvene, Nasir Yagiz, Herêm Mehmûd, Şeyma Ednane û heme xoverdayoxanê grevê vêşanîy silam kerdî û va xoverdayîşê Guvene û zîndanan şiknayîşê faşîzmî yo.

Xerîbî derheqê çalakîya Zulkuf Gezene de zî wîna wa,‘Çalakîya hemra Zulkufî sey çalakîya embaz Mazlûmî bî. Na çalakî ma do biresno serkwtişî.‘

Dîyar Xerîbî bale ante hêrişanê dewleta Tirkî yê serê koyanê Kurdistanî ser û va,‘Teyaranê şerî yê Tirkî vizêr hêrişê Qendîlî kerd. Waştêne ke şarî bitersnê û vernîya Newroze bîgêrê, la şima tîya ameyî pêser û cevabêko huşk da înan. Newroz roşanê xoverdayîşî yo. Erdogan Dehaq o û Kurdî vera ey xoverdayîşê dewrî ramojnenê. Coka hîna zaf hêrişê Kurdan keno. Na Newroze Newroza bînkerdişê DAÎŞ’î û vînkerdişê sîyasîyî yê AKP’yî ya. No wisar wisarê azadîye yo. Şima bi ruhê Şêladizî îşxalkaran rê da vînkerdene.‘‘