Hemserekîya Konseya Rayberdişî ya KCKyî derheqê Qirkerdişê Kizildere de eşkerayîyêke daye.

Eşkerayîye wina ya:

''30ê adara 1972î de Mahîr Çayan û 9 embazê ci dewa Kizildere ya qezaya Nîksarî ya Tokatî de şerê vera hêzanê taybetan ê darbeya 12ê Êlule de şehîd bîyî. Ma nînan bi hûrmet û minetî yad kenê. Ma do hesreta înan Tirkîyaya demokratîke û Kurdîstanê azadî bîyarê ca.

Mahîr Çayan û embazanê ci, Denîz Gezmîş û embazanê ci, Îbrahîm Kaypakkaya û embazanê ci waştêne Tirkîya demokratîk bikerê. Înan meseleya kurdan seke meseleya verêne ya Tirkîya dîyêne. Xeylêk ciwanê kurdî yê sey Huseyîn Înan, Huseyîn Cevahîr û Alî Haydar Yildizî zî mîyanê rêxistinanê înan de şehîd bîyî.

Mahîr Çayanî wexto ke Zanîngehê Teknîkî yê Îstanbulî de meseleya kurdan ser o qisey kerdêne Rayber Apoyî rê zaf tesîr kerd û o bi THKP-Cyî. Rayber Apoyî seba ke Qirkerdişê Kizildere protesto bikero boykot kerd û Zîndanê Mamakî de çend mengî mend. Rayber Apoyî wextêk Anqara de rêxistina ciwanan ADYODî tê rayberîye kerde û bi nê hawayî perwerîya xo mojnaye Mahîr Çayan û embazanê ci, Denîz Gezmîş û embazanê ci.

Mahîr Çayan û embazanê ci Tirkîya rê tecrubeyêko girîng o şorişgêr, demokrasî verda. Nika no rayîr mîyanê Têgêrayîşê Şorişgêrî yê Yewbîyayeyî yê Şaran (HBDH) de ciwîyeno. Têkoşîn û keda înan bîlaheq nêşîyê.

Ma verê vîrameyîşê înan de bi hûrmet sereyê xo anê war û wayûbiratîya şaran rê sond wanenê ke ma do têkoşînê Tirkîyaya demokratîke û Kurdîstanê azadî geş bikerê.''