Hemserekîya Konseya Rayberdişî ya KCKyî bi wesîleya serrgêra îdamkerdişê Denîz Gezmîş, Yusuf Arslan û Huseyîn înanî yê ke rayberê têgêrayîşê sosyalîstî yê Tirkîya bî, eşkerayîye daye û nê vatî:

“Ma Denîz Gezmîş, Yusuf Arslan û Huseyîn Înan serrgêra îdamkerdişê înan a 52. de bi hurmetî yad kenê û şexsê înan de heme şehîdanê şoriş û demokrasîyî yad kenê û sozo ke ma dayo şehîdan ma nê sozê xo newe kenê û sîstemê qirker û faşîstî şermezar kenê.

Rayberanê têgêrayîşê azadîye yê Tirkîya şexsê Denîzan de ma rê mîraso pîl verda. No mîras stratejîya têkoşînê hemparî ya. Ganî nê rayberî raşt bêrê famkerdene û waştişê înan bêro caardene. Têgêrayîşê ma no esas girewt. Xora têkoşîno  ke Rayber Apoyî semedê yewîya şaran û cuyeya demokratîke û azade daye, yena zanayene. Rayber Apoyo ke binê tesîrê Mahîr Çayanan de mende û PKK afirna hedefe ci Kurdîstano Azad û Tirkîyaya demokratîk a. Têgêrayîşê Azadîye yê Kurdîstanî xeta demokratîk û sosyaliste de aver şi û açarîya têkoşînê Tirkîyaya demokratîke û Rojhelatê Mîyanênî yo demokratîkî. Rayber Apoyî bi paradîgmaya xo rayîrê xelisnayîşî mojna pêro merdimatîye û çareserîya cuya azade vete meydan.

Modernîteya  kapîtalîste mîyanê krîz, kaos û rijnayîşî de ya. Sîstemo kapîtalîst hegemonîk bi serran o bi metodanê xo şerê dinya yê hîrêyînî dano rayraberdene ke rewşa ke tede yo wa tira bieşko bivejîyo. Modernîteya kapîtalîste ver bi rijnayîşî şina, hetê bînî ra cigêrayîşê cuyeya azade ya komunale xurtêr bena. Kurdîstan, Tirkîya û Rojhelatê Mîyanênî zî sereyê ci ancenê. Stratejîya têkoşînê hemparî ya şarê kurdî û şaranê Tirkîya netîceyê muhîmî vete werte. Şexsê AKP-MHPyî de sîstemê faşîstî derbeya girde werde. Ganî têkoşîno hemparê bêro xurtkerdene ke verê faşîzmî bêro girewtene. Ganî hêzê demokrasi û yewîye û paştdayîşê xo xurt bikerê ke waştişê Kurdîstanê Azadî Tirkîyaya demokratîke bêro caardene.”