KCKyî Dîyar Xerîb yad kerd
KCKyî bi wesîleya serrgêra şehadetê ci Dîyar Xerîb yad kerd û vat: ''Seba ke bi seyan Zîne û Memî yê ke eşiqê welatê xo yê bi xayînîya Bekoyan cuya xo vînî mekerê ganî Bekoyanê dewrî ra bêro xelisnayene.''
KCKyî bi wesîleya serrgêra şehadetê ci Dîyar Xerîb yad kerd û vat: ''Seba ke bi seyan Zîne û Memî yê ke eşiqê welatê xo yê bi xayînîya Bekoyan cuya xo vînî mekerê ganî Bekoyanê dewrî ra bêro xelisnayene.''
Endamê Konseya Serekîya Pêroyîye ya KCKyî Dîyar Xerîbî (Helmet) par 5ê temmuze de netîceya hêrişê hewayî de şehîd kewt. Konseya Serekîya Pêroyî ya KCKyî eşkerayîyêke daye û nê parî kerdî:
''Endamê konseya ma û rayberanê partîya ma ra hemrayê ma Dîyar Xerîbî ma serrgêra şehadetê ci ya verêne de yad kenê. No proseso ke hêrişê vera şarê ma zêdîyayeyî de di embaze ma yê rayberî û erjîyayî Kasim Engîn û Zîne Avesta şehîd bîyî. Her di amebazê ma yê ke îdareyê PKKyî de ca girwetêne mîrasêko bianor xo dima verda. Ma şexsê nê embazanê xo de heme şehîdanê xo yad kenê û sozê şiknayîşê hêrişan danê.
Şehîdî qerardarîya ma ya azadîye newe kenê
Rayber Apo PKKyî sey partîya şehîdan name keno. PKK ronayîşê xo ra nata pawitoxê estbîyayîş û anorê şarê kurdî yo. Senî ke Rayber Apo zî vano şehîdî qerardarîya ma ya azadîye newe kenê. Senî ke ma bi şehadetê embaz Hakî Karerî qerarê patîbîyayîşî girewte û rayrayîşayîşê azadîye da destpêkerdene, ewro zî bi şehadetê hemra Dîyar Xeribî serkewtişê waştişê azadîyo beno qetî.
Hemra Helmet tim semedê yewbîyayîşê kurdan xebitya
Hemra Helmet têgêrayîşê azadîye keda pîle daye û heta nefesê xo yê peyênî bi mîlîtanê xeta Rayber Apoyî. Embaz Helmet keso ke rînerm û zervêşaye bi ke hetê şarî ra zaf ameyêne heskerdene. Hemra Helmet Dejê şarî û birînê tarîxî yê welatî zerrîya xo de hîskerdêne û waştêne înan derman bikero. Coka semedê azadî bi eşqî xebityayêne û vera xayînan û îşxalkeran bihêrs têkoşîn kerdêne. Seba ke cuya newe bêro afernayene bi bawarîya pîle kede daye. Armancê ey yewîya demokratîke ya neteweyîye ya kurdan bî. Semedê caardişê naye zaf gelç vete.
Vera hêrişê qirkerdişî ganî têkoşîn bêro pîlkerdene
Hemra Helmet erjê neteweyî yê Kurdîstanî pawitêne û vera fehmê teslîmîyetkarî têkoşîn kerd. No fehm mîyanê tay rêxistinanê kurdan de esto û no fehm û sîyaset heme Kurdîstan de bitaybetî zî Başûr de şarî bi tehlukeyê qirkerdişî rî bi rî verdeno. Hemra Helmet seba ke verê qirkerdişanê girdan sey Enfal û Helepçe bîgêro zaf xiret ker gird xebitya. Dişmenî her hetî ra hêrişê xo zedînayî. Eşkera yo ke planê qirkerdişî dewre de ya. La gerîlayê azadîye destûrê înan nêdano. Dewleta tirke rixmê heme îmkananê xo yê teknîkî Heftanîn de derbeyanê pîlan wena.
Wext wextê yewbîyayîş û dişmenî ra hesab persayîşî yo
Seba ke bi seyan Zîne û Memî yê ke eşiqê welatê xo yê bi xayînîya Bekoyan cuya xo vînî mekerê ganî Bekoyanê dewrî ra bêro xelisnayene. Seba ke verê qirkerdişî bêro girewtene û destkewteyî bêrê pawitene, peynîyê faşîzm û îşxalî bêro ganî têkoşînê Helmet û Kasiman de bêro israrkerdene. Vera nê hêrişan ganî fermanê şehîdanê ma yê pîlan Hakî Karer, Mazlûm Dogan, Kemal Pîr, Bêrîtane, Zîlane, Sema, Vîyane, Şîrîne, Helmet, Zîne Avesta û Kasiman ma xo rê esas bîgêrê. Şehîdê ma vanê vera îşxal û xîyanetî têkoşîn bikerê. Senî ke dewleta tirke têkoşînê ma ra tersena, xayînî zî hêrs û hêzê ma ra wina tersenê. Ganî vera tecrîdê serê Rayber Apo û hêrişê qirkerdişî yê vera kurdan têkoşîn bêro pîlkerdene. Wext wextê yewbîyayîş, erjanê xo rê wayîrvejîyayîş û dişmenî ra hesab persayîşî yo.''