Hemserekîya Konseya Rayberdişî ya KCKyî bi mesajêkî semedê çalakîyanê nînan ê serkewteyan ê temmuze pêro fermandar û gerîlayê HPG û YJA-Starî fîraz kerdî.

Eşkerayîye wina ya:

''Gerîlayanê Azadîye nêzdîbîyayîşê serra 41ine ya Hemleya 15ê Tebaxe de mengêke de vera dişmenî çalakîyê girîngî kerdî. Seke Qerargehê MPŞyî dîyar kerd ke nê çalakîyan serrgêra Hemleya 15ê Tebaxe manadar kerde. Hemleya 15ê Tebaxe sey têkoşînêkê gerîlayan dîyaye destpêkerdene û planê dişmenî pû kerdî. Ewro zî gerîlayî planan xeripnena. Gerîlayî bi tewirê xo yê qerardarî û xoverdayîşê xo bawerîyêka pîle danê şarê ma. Şarê ma bi çalakîyanê temmuze yê ke bi Sergelê, Gever û Girê Biharî de xurtêr bîyê zaf şa bi. Ma nê çalakîyan selam kenê û fermandar û şerwananê nê çalakîyan fîraz kenê. Ancî ma pratîkê ci yê serkewteyî ra Fermandarîya Qerargehê MPŞyî fîraz kenê.

Gerîlayî bi perwerî û çêrî vera dişmenî xo ver danê û welatê xo pawenê. Gerîlayî vera xeta xayînîye û hemkarîye tewirê şorişgêrîye eşkera kenê. Ganî no tewir bêro famkerdene, her ca de goreyê nê tewirî tewir bêro girewtene û bi nê tewirî vera îşxalker û xayînan têkoşîn bêro berzkerdene. Ganî ciwanê welatperwerî nê têkoşînî de tewr vernî de cabigêrê, tewrê gerîlayan bibê û her ca de serkêşîya têkoşînî bikerê. Dişmeno ke tehamulê ziwan, nasname û îradeyê şarê ma nêkeno û wazeno şarê ma qir bikero, şarê ma zî wa her ca de vera nê dişmenî bi ruhê serewedaritişî bi tewirêkê xurtêrî têkoşîn bikero.