Hemserekîya Konseya Rayberdişî ya KCKyî seba wefatê rojnameger Celal Başlangiçî mesajêkê serweşîye weşana. Mesaj wina yo:

''Ma bi xemgînî pê hesîyayî ke nuştox, rojnameger û têkoşêrê ercîyayeyî Celal Başlangiçî dinyaya xo bedilnaya. Ma keyeyê ci, dost û merdimanê ci û komelê çapemenîye rê serweşîye wazenê.

Celal Başlangiçî bi tewir û têkoşînê xo mojna ke cayê raştî de vindertiş senî beno. Wextê tewr zehmetî de her kesî têkoşînî ra remayêne, têkoşînê kurdan çin hesibnayêne. La embaz Celalî pêro raştîyê zulmê vera kurdan nuştî, sûcê ke dewlete Kurdîstan de kerdêne eşkera kerdî û komel agahdar kerd. Naye ser o dewlete waşt ke ey ceza bikero la embaz Celalî rixmê ney zî têkoşînê xo ra fek vera nêda. Ey bi israr û qerardarî tewirê xo rê dewam kerd.

Embaz Celalî hemkarîya çapemenîya kurdan zî kerde. Heya wefatê xo ey tim paştî daye çapemenîya azade. Çapemenîya kurdan deyndara ey a.

Ma bi rêzî sereyê xo verê embazîya ey a bi şarê kurdî, qiseyê ci yê raştîye, bawerîya ci ya bi têkoşînê demokrasîyî de anê war. Ma ancî keye, dost, nas û merdimanê ey rê û çapemenîya azade rê serweşîye wazenê.''