Hemserekîya Konseya Rayberdişî ya KCKyî gerîlayan rê mesajê fîrazkerdişî şawit. Mesaj wina yo:

''Embazê ercîyayeyî;

Sey têgêrayîşî ma prosesêkê krîtîk û girîngî ra derbaz benê. Rejîmê faşîstî yê AKP-MHPyî 14ê nîsane de pa hêzanê hegemonîlan û hemkaranê herêmîyan pê destekêkê pîlî pêlê hêrişanê neweyan dayî destpêkerdene. No pêlo ke sey xîretê peyênî yê îqtîdarî zî pênase beno, dişmen pê nê pêlê hêrişan, pê pêro hêzê xo hêriş keno û wazeno serkewtişê qijî yê vera gerîlayan xo rê bikero awa cuye. La nê di mengan de dişmen nêresa armancê xo, sere de Zap, Metîna û Avaşîn de her ca de raştê xoverdayîşê tarîxî yê gerîlayanê azadîye ame. Nê esasî ser o Hemleyanê Şorişgêran ê Bazanê Zagrosî, Cengê Xabûrî û Şehîd Savaş Maraşî de serkewtişê şima yê xoverdayîşî pêro hesabê dişmenî pûç kerdî, dişmen berd verê rijîyayîşî, zerrîya şarê ma û dostanê ma kerde rehet, înan rê bi moral.

Embazê ercîyayeyî;

Şima sey temsîlkaranê felsefeya Rayber Apoyî, temsîlkaranê alaya xoverdayîşî ya Fermandar Egîdî û temsîlkaranê xeta fedayîye ya ewroyîne şerê vera şarê ma de, noqtaya tewr krîtîke de yê. Şima sey teqîbkerdoxanê Delale Amed, Reşîd Serdar, Alî Pilingî, Rojîne Geewda, Savaş Maraşan û fermandaranê ma yê bînan nika 'asta leweyî' de werteyê nê şerî de yê. Şima zanenê ke têna herêmêke nê şima ameyoxê azadî yê şarê ma, pêro erdê ma pawenê. Ma xora zanenê ke hayîya şima pê mesuldarîya wezîfeyê girîngî est a û şima ney anê ca. Xoverdayîşo ke par Garê de dest pêkerd û Mamreşo, Girê Sor û Werxelê de dişmen lerzna, emser zî Werxelê, Kurojahro, Şikefta Birîndara, Şehîd Şahîn, Girê Cûdî, Girê FM û Girê Hakkarî de rayîr nêdano dişmenî û derbanê giranan dano piro. No proseso ke pê Mizgîne û Rohatan dest pêkerdo, bi Mahîr, Siyabend û Ekînan geş bi û bi Nalîn û Ozguran resayo asta tewr berze, bi fermandaranê ma yê serkêşan  ê tunelanê şerî yê Şehîd Berxwedanî Bager, Avzeme, Arîne û Şerzanan bîyo mizgînîya tewr berze ya serkewtişî. Menga Fedayîyan de bi ruhê embaze Şehîde Zîlane (Zeynepe Kinaci) û serewedaritoxîya Zagrosan, nê şehîdanê ma yê çêran sey Çaran tewiro şorişgêr mojna û mabênê tradîsyon û ameyoxî de bîyê pirdêk. Înan mojna ke fedakarî, çêrî, bawerî û embazîye ganî bingeyê kamyew ruhî de bibê.

Prosesê şerê di mengan û nêmî de înan mojna ke stratejîya Şerê Şarî yê Şorişgêrî wexto ke bi raştî bêra caardene, hînî çîyêk nêmaneno ke şarê ma û hêzanê azadîye bin bikero. Gerîlayê azadîye yê Kurdîstanî eke kêmasîyanê şerî çareser bikerê, do serkewtişanê hîna pîlan bivisnê destî. Ma zanenê ke fermandarî û sewq-îdareyê ma şerî game bi game plan kenê, analîz kenê û perspektîfanê laziman eşkera kenê. Eke dersî bêrê girewtene û mesajê şehîdan bi raştî bêrê şirovekerdene, serkewtiş do qetî bibo.

Nê esasî ser o ma reyna şexsê şehîdanê ma yê nê prosesî de pêro şehîdanê xo yê çêran bi rêzdarî û minetî yad kenê. Ma pêro embazanê ke kede daya nê prosesê serkewteyî, zerrî û canî ra fîraz kenê. Ma seba ke wezîfeyanê xo yê nê prosesî wextê xo de û bi serkewtişî bîyarê ca pêro embazan rê serkewtiş wazenê.''