Hemserekîya Konseya Rayberdişî ya KCKyî seba Dayîke Fatma mesajê serweşîye weşana.

Mesaj wina yo:

''Dadîya embaze Elîfe û Selvere Yildirim şîye rehm. Ma pêo keyeyê Yildirimî û şarê xo rê serweşîye wazenê.

Dadîye Fatma ra rojêke dima zî avûkate Ebru Tîmtîk şehîd bîye ke seba hukmkerdişê edîlî têkoşîn kerdêne. Ma embaz, keye û pêro şaranê Tirkîya rê serweşîye wazenê. Têkoşînê edaletî têkoşînêko tewr heqdar û meşrû yo. Cayo ke tede bêedaletîye esta çîyêko raşt çin o. Têkoşînê Ebru Tîmtîk têkoşînê şaranê Tirkîya bi. Ma seba têkoşînê ci aye bi hûrmet û mînetî yad kenê. Embazo bîn Aytaç Unsalo ke hema zî rojeyê mergî de yo, tay mend ke şehîd bibo. Ganî pêro şar û hêzê demokrasîyî wayîrê nê têkoşînî vejîyê. Şehadetê Ebru Tîmtîk û têkoşînê Aytaç Unsalî mojnenê ke Tirkîya û Kurdîstan de têkoşînê demokrasî û azadîye do qet nêrê çinkerdene. Hesretê înan Kurdîstano azad û Tirkîyaya demokratîke qetî do bêrê awankerdene.

Fatma Yildirim 40 serran PKKyî rê pêro merdim, domanan û derûdorê xo reyde xizmet kerd. Dewa Dayîke Fatma ê dewanê Bazarcixî ra bîye ke hêverî Têgêrayîşê Azadîye nas kerd. Cografyaya kurdan Qirkerdişê Maraşî ra dima bi şerê taybetî ameye vengkerdene. Kurdî binê nameyê 'raywanîya ver bi hêvî' ameyî qirkerdene. Rojawanê Firatî de kurdî seba ke erdanê xo ra bêrê dûrvistene bazirganê merdiman ameyî rêxistinkerdene. Kurdê elewîyî zulm û tedaya dewlete ra metropolanê Tirkîya û dinya ra vila bîyî.

Sere de Bazarcix de Rojawanê Firatî de kurdî sebebanê ekonomîkan ra erdê xo nêteriknayî. Kurdî netîceya tedayan û şerê taybetî de ameyî surgunkerdene. Venkerdişê dewanê kurdan îspatê ney o. Coka Dayîke Fatma û sey aye bi hezaran kurdî bi polîtîkayanê şerê taybetî erdê xo ra ameyî cêrakerdene.

Keyeyê Dayîke Fatma serranê 1970an de Têgêrayîşê Azadîye yê Kurdan şinasna û şi ça zî têkilîya înan Têgêrayîşî reyde dewam kerde. Têgêrayîşê Azadîye asteng kerd ke kurdî vila bibê û bibê komelêk. Şarê ma yo ke koçê Rojawanê Firatî kerd, her ca de paştî da Têgêrayîşê Azadîye û bi hezaran ciwanî şehîd bîyî.

Dayîke Fatma Yildirim doman, merdiman û birazîyanê xo reyde tim nêzdîya Têgêrayîşî bîye û rixmê bedelanê giranan zî tim bi israrî têkoşîn de ca girewt. Ma tewirê na dadîye xo reyna bi mînet û hûrmetî yad kenê. Ma reyna soz danê ke ma do erdê înan bi ziwan, kultur û nasnameyê înan têkoşînê azadîye berz bikerê û hesretê înan bîyarê ca.''