KCKyî seba wefatê Pîr Latîf Kalfiratî yo ke sereko ronayox ê Yewîya Elewîyan a Kurdîstanî bi, keyeyê ci, komelê Elewîyan û şarê kurdan rê serweşîye waşte. KCKyî îfade kerd ke o do qet nêro vîrkerdene.
Hemserekîya Konseya Rayberdişî ya KCKyî seba wefatê serekê Ronayoxî yê Yewîya Elewîyan a Kurdîstanî Pîr Latîf Kalfiratî beyanatêk weşana.
Beyanatê KCKyî wina yo:
"Pîr Latîf Kalfirat sereko ronayox ê Yewîya Elewîyan a ke serra 1990î de ameye ronayene bi. Wa sereyê keyeyê ci, komelê Elewîyan û şarê kurdan weş bo. Keda ey qet nêna vîrkerdene. Azadîya bawerîya Elewîyan û cuya xosere ya Dêrsimî bi ziwan, kultur û nasnameyê xo Kurdîstano ke hesretê ey bi de teqez bêrê caardene. Pîr Latîf Kalfiratî rêxistina Yewîya Elewîyan a Kurdîstanî de û têkoşînê kurdanê Elewîyan de seba têkoşînê azadîye ya şarê Kurdîstanî wayîrê rolêkê pîlî bi. Keda Pîr Latîf Kalfiratî weşankerdiş û vilakerdişê Kovara Zulfîkarî de zî zêde bîye ke serra 1990î de des hezaran ra zêdêr ameyêne rotene. Pîr Latîf Kalfirat pîrêko zerrîpak ê Elewîyan bi. Xîretê ey qet nêno vîrkerdene. Erjê ke Pîr Latîf Kalfiratî pawitêne nika hetê têkoşînê azadîye ra do bêrê pawitene. Ma reyna ey bi mînet û rêzdarî yad kenê. Ma sozê xo dibare kenê ke ma do hesretê ey bîyarê ca."
