Hemserekîya Konseya Rayberdişî ya KCKyî bi eşkerayîyêke nuştox û şaîro şorişgêr Vedat Turkalîyo ke 29ê tebaxa 2016î de dinyaya xo bedilnaye yad kerd.

Eşkerayîye wina ya:

''Ma sosyalîst, demokrato şorişgêr, şaîr û nuştoxo ercîyaye Vedat Turkalî bi mînet û hûrmet yad kenê. Kurd û tirkî ey do bi mînet û hûrmetî bîyarê vîrê xo.

Vedat Turkalî pêro cuya xo de kesayetê xo yê şorişgêrê sosyalîstî reyde têkoşîn kerd û tim xeyalê Tirkîyaya Demokratîke kerd. Tukalîyî sere de kurdî û elewîyî seba ke pêro şarî na cografya de bi hawayêkê azadî biciwîyê  heta hela xo ya peyêne xîret kerd. Kurdîstano azad, Tirkîyaya demokratîje û Rojhelato Mîyanên o Demokratîk hesretê ci yê pîlî bîyî.

Wextêk de ke kesê ke heqê kurdan pawitêne, maruzê teda bîyêne, dostîya xo ya seba kurdan tim mojnaye û dewaya kurdan tim sey dewaya xo dîye. 

Vedat Turkalî embazo ercîyaye yê Rayber Apoyî bi û tim fikrê Rayber Apoyî sey rûmêtîn dîyî. Seba Turkalîyî Rayber Apo têna seba kurdan nê seba pêro Rojhelatê Mîyanênî kesêko girîng bi. Çend rey waşt ke şoro Îmrali la ci rê destûr nêame dayene.

Vedat Turkalîyî bi fikr û waştişanê xo ameyoxê Tirkîya temsîl kerdî. Tirkîya do bi fikr, têkoşîn û waştişanê şorişgêran do pêro meseleyan çareser bikera. 

Vedat Turkalîyî tim ardêne ziwan ke Têgêrayîşê Azadîye yê Kurdan o ke azadîya cinîyan pawitêne, kurdan keno şorişgêr û çarenusê Rojhelatê Mîyanênî eşkera keno. Şarê kurdî û Têgêrayîşê Azadîye yê Kurdîstanî zî seba ke hesret û waştişanê nê şorişgêrê pîlî bîyarê ca mesuldarîya xo do bîyarê ca. 

Kurd û tirkî ey do bi mînet û hûrmetî bîyarê vîrê xo. Hesretê ey Tirkîyaya demokratîke û Kurdîstano azad do bêrê awankerdene.''