Komîteya Têkilîyanê Teberî ya KCKyî derheqê peymana mabênê Anqara û Bexdadî de eşkerayîyêke daye. Eşkerayîye wina ya:

''Nê rojanê peyênan de Biradost û Raperîn de netîceya hêrişanê dewleta tirke ya terorîste de Bedî Kemal Mûhammed, Mûzaffer Huseyîn Xidir, Mûhammed Mûzaffer Huseyîn û Mûbîn Mûzaffer Huseyîn şehîd bîyî. Ancî Şarezorî de rojnamegerî Gulîstane Tara û Hêro Bahadîn ameyî qirkerdene. 31ê tebaxe de Îstanbul de Hakîm Loqmano dihokij ame qetilkerdene. Mîyanê di hewteyan de 7 merdimê Başûrî hêrişanê Tirkîya de şehîd bîyî. Ma nê hêrişan şermezar kenê, keyeyanê şehîdan rê serweşîye û birîndaran rê şîfaya xeyrîne wazenê.

Nê hêrişî peymana Tirkîya û Iraqî ya 15ê tebaxe ra dima ameyî kerdene. Aseno ke na peymane teror û qirkerdişî ser o pêkerdiş o. Dewleta tirke armanc kena ke aramî û haştîya Iraqî zî biherimna.

Netîceya nê pêkerdişî ya bîne herêma Behdînanî de ameye dîyene. Tîya de cergê DAÎŞî binê sîwana artêşa tirke de ameyî cakerdene. Rojanê peyênan de dîmenê têgêrayîşanê nê cergan çapemenîye de zî ameyî dîyene. La medyaya AKP û PDKyî kenê ke raştîyan binimna. Erdê Kurdîstanî bi kedêka pîle nê cergan ra amebi pakîkerdene la bi peymana Bexdad û Anqaraa nê cergî agêrayî. Hukmatê Iraqî zî bi na peymane agêrayîşê cergan û îtîfaqê AKP-MHP-PDK-DAÎŞî meşrû kerd.

Tirkîya des serran ra zêdeyêr o nê cergan seba plananê xo yê îşxalî û vera şarê kurdî şuxilnena. Senî ke 2014 de Tirkîya cergê DAÎŞî Şamî ra berdî Kobanê û Bexdadî ra berdî Mûsil, Şengal, Kerkûk û Hewlêrî nika zî bena Amedîyê, Zaxo û Dihokî.

Cergê DAÎŞî cayanê stratejîkan de ameyê cakerdene ke demografî bivurnê. Ma vîr a nêkenê le DAÎŞî dima ke PDKyî de pêkewt kewto Şingalî. Nika zî bi pêkerdişê PDKyî kewto Behdînanî. Garantîya ci çin a ke çîyo ke Şingal de bîyo Dihok, Zaxo û Amedîyê de nêbo. 

Gerîlayê azadîye yê Kurdîstanî senî ke vera terorê DAÎŞî şer kerdbî, nika zî vera hêrişanê îşxalî yê dewleta tirke şer kenê. Xoverdayîşê verê 10 serran ê Şingal û Hewlêrî Zap, Metîna û Avaşîn de vera artêşa îşxalkere dewam kena. Hêrişê Tirkîya û DAÎŞî yew ê.

Ma venga şaranê Iraqî, bi taybetî cinîyan, ciwanan û roşnvîranê Başûrê Kurdîstanî danê ke wayîrê xoverdayîşê gerîlayan vejîyê û tewrê ci bibê. Ma venga hukmatê Iraqî, serek û partîyanê Iraqî danê ke peymana mabênê Anqara û Bexdadî yena manaya 'Pêkerdişê bi DAÎŞî' coka wa cade na şaşîtîye ra agêro.''